黃金鳳 (香港)
黃金鳳，香港傳媒人，而家係香港電台中文新聞及時事總監。
新聞採訪工作經歷
編輯佢曾經任職亞洲電視，之後加入香港電台[1]，喺香港電台曾經做過突發組，並前往馬尼拉採訪人質事件[2]。
佢經常同保安相關嘅人做採訪，包括過往嘅警務處長等官員有密切關係，喺新聞室經常以呢個為榮。甚至喺辦公室裡面，佢時不時都會叫李家超「家超家超」[1]。
部分公職
編輯爭議
編輯多次被指控干預編採自主
編輯黃金鳳曾經多次被指干預香港電台新聞工作前線人員嘅編採自主，阻止佢哋報道一啲對香港電台或政府負面嘅新聞，或者一啲對批評政府人士所做嘅專訪，黃金鳳更加恐嚇前線人員話「你哋簽晒聲明，有咩事會話你哋唔擁護政府」。涉及嘅新聞或專訪，包括2021年記協言論自由年報批評政府整頓香港電台違反公共廣播理念入面獨立監察者角色、支聯會宣布大部分常委辭任、山道文化創辦人楊子俊專訪等[4]。
反送中運動期間指令前線人員協助香港警察發放假新聞
編輯喺香港反送中運動期間，2019年7月14號一場沙田衝突入面，多間傳媒報道引述香港警察消息指，一名警員被鉗夾斷手指。之後傳真社發布調查指，報道中提及被指鉗斷警員手指嘅工具其實係警棍，而警員手指亦完好無缺。香港電台節目製作人員工會之後發表公開信，指身為新聞部總監嘅黃金鳳，當晚明確指示報道標題唔使用「消息指」，而係用直接描述嘅方式表述。工會質疑，到底係邊個得悉香港警察消息來源，黃金鳳曾經循咩途徑求證，同埋點解黃金鳳落一個咁嘅指令[5][6]。
下令拆除貼足34年嘅六四採訪表揚信被批評
編輯喺北京未經諮詢或香港人同意而強行落實《港版國安法》之下，六四喺香港變為敏感詞，香港電台新聞部淪為政府喉舌，身為新聞總監嘅黃金鳳，喺2023年5月派人拆除放置咗34年，由一班港台其他部門贈送，表揚新聞部當年六四採訪戰績，為專業廣播樹立模範嘅大字報。呢封表揚信貼喺新聞部足足34年，歷年來成為唔少新聞部員工嘅打卡位。前港台新聞部員工周萬聰直指事情悲哀，亦有唔方便公開姓名嘅前資深員工都同我地講，呢封表揚信係代表住香港台新聞部嘅專業精神同榮譽嘅歷史，呢封信被拆證明港台已經墮落到冇底線，更話過去大家都以呢封信作為一個指標，話新聞部嘅墮落程度係咪已經到達咗呢封信嘅守得住嘅程度，結果香港電台真係守唔住[1]。
參考
編輯- ↑ 1.0 1.1 1.2 〈港台六四採訪表揚信貼足34年 新聞總監下令清走 前員工：港台已墮落到無底線〉。Radio Free Asia (香港中文)。喺2023-06-01搵到。
- ↑ 〈從舟曲到馬尼拉一採訪手記〉。app3.rthk.hk。喺2023-05-31搵到。
- ↑ 〈顧問委員會 | 新聞學文學碩士課程 - 香港中文大學新聞與傳播學院〉。pg.com.cuhk.edu.hk。喺2023-05-31搵到。
- ↑ 〈【整頓港台】員工稱新聞部審查加劇 總監曾警告員工已簽聲明 可被指控不擁護政府 | 立場新聞•聞庫〉。《聞庫》。2021-07-16。喺2023-05-31搵到。
- ↑ 韋景全 (2019-07-17)。〈【沙田遊行】港台報道有警員被鉗斷手指失實 工會促管理層交代〉。《香港01》 (香港中文)。喺2023-05-31搵到。
- ↑ 〈香港反送中"警察手指被鉗斷"證實是假新聞 中共喉舌卻大肆渲染〉。《希望之聲 www.soundofhope.org》 (臺灣中文)。2019-07-18。喺2023-05-31搵到。