黃飛鴻

黃飛鴻（粵拼：wong4 fei1 hung4）（1847年—1925年 4月17號，有講法話係1847年農曆七月初九–1925年農曆三月廿五^[1]），原名黃錫祥，字達雲，號飛鴻，祖籍廣東省南海縣西樵嶺西祿舟村，係嶺南武術宗師同有名嘅醫師。

呢幅相畀好多人當係黃飛鴻嘅相，但係後嚟證實咗呢幅其實係黃飛鴻個仔黃漢熙至啱。

生平改

黃飛鴻喺廣東省南海縣佛山出世，阿爸係黃麒英，屬於「廣東十虎」之一。黃飛鴻五歲開始就學武功，學過鐵線拳、無影腳。黃飛鴻好後生就已經練得一手好武功，經常喺佛山、廣州一帶賣武。

除咗賣武之外，黃飛鴻又識得醫人，早喺1863年就喺屬南海縣嘅西關開設咗跌打醫館。1886年又開設咗寶芝林醫館。

1925年，黃飛鴻因為長期病而喺廣州方便醫院過身，享年七十七歲。佢老婆莫桂蘭同埋兩個仔，重有黃飛鴻嘅徒弟林世榮都移居咗香港，開館授徒。

黃飛鴻徒弟林世榮喺香港教武功，其中唔少人都投身港產片界，例如劉家良。六十年代香港拍咗差唔多一百部黃飛鴻系列電影，其中黃飛鴻幾乎都係由關德興主演；而反派就幾乎全部由石堅演出。

佛山黃飛鴻紀念館大門

1991年徐克又拍咗幾部黃飛鴻電影，而黃飛鴻就由李連杰主演。

↑ "佛山黄飞鸿—黄飞鸿史略". foshanmuseum.com. 原著喺2019年2月20號歸檔. 喺19-09-2015搵到. Check date values in: |accessdate= (help)

呢篇同中國人相關係楔位文。歡迎幫維基百科擴寫佢。