黑客松

程式設計馬拉松（英文：hackathon，亦有音譯黑客松），又可以叫駭客日（hack day）、駭客節（hackfest）或者程式設計節（codefest），主要係一班電腦程式設計師同埋其他同軟件發展有關嘅人（好似平面設計師、介面設計師同專案經理等等），喺指定嘅時間之內，一齊聚埋合作，搞一啲軟件項目^[1]。程式設計馬拉松嘅重心就係一齊寫程式同埋搞應用程式。

呢類活動通常會持續幾日到一星期左右，唔單止係為咗整啲一次性嘅作品咁簡單。其實，程式設計馬拉松嘅精髓係：好多人喺一段指定嘅時間內聚埋，以佢哋鍾意嘅方式去做佢哋鍾意做嘅嘢——成個程式設計過程幾乎冇乜限制或者方向，靠創意同自由發揮。

程式設計馬拉松喺1990年代興起^[2]，原本只係駭客圈內興起嘅新潮詞，但係喺2010年代已經入咗主流，例如某啲設計領域，好似和合設計咁，亦有時會舉行呢種活動。