黑膠碟

黑膠碟，又叫黑膠唱碟或者黑膠唱片pin2，簡稱黑膠，以前又有簡稱黑碟，係種唱碟格式，用一塊黑色圓形膠片整（早期用士叻，每分鐘 78 轉，後期用聚氯乙烯，33 轉或者 45 轉），20世紀頭開始慢慢流行，直到1980年代CD碟興起先至慢慢衰落。

黑膠唱碟

一般聚氯乙烯整嘅唱片有兩種標準轉速，大碟 33 轉（講 33 轉，其實係 33⅓），細碟 45 轉；78 轉其實係留聲機嘅轉速。唔同 CD，黑膠碟可以兩面錄，但係播兩面都有嘢嘅碟，播完一面之後要反碟。

用來播黑膠碟嘅機叫黑膠唱盤。