點三八英寸特種彈
點三八英寸特種彈（英文：.38 S&W Special，通稱.38 Special。一般會省略咗個小數點，讀做Thirty-eight Special）係一種子彈。呢種子彈用「小型手槍中心底火」，彈瞉尾部有凸邊。雖然市面上有少數半自動手槍可以發射呢種子彈，但通常用喺左輪手槍度。1898年面世起計，已經超過一百一十年，到今日依然被大量生產。
| .38 Special | |
|---|---|
 .38 Special round | |
| 類型 | Revolver |
| 原產地 |  美國 |
| 生產歷史 | |
| 研發者 | Smith & Wesson |
| 研發日期 | 1898 |
| 基本規格 | |
| 前代彈系 | .38 Long Colt |
| 彈殼類型 | Rimmed, straight |
| 彈頭直徑 | .357 in（9.1 mm） |
| 彈頸直徑 | .379 in（9.6 mm） |
| 殼底直徑 | .379 in（9.6 mm） |
| 底緣直徑 | .44 in（11 mm） |
| 底緣厚度 | .058 in（1.5 mm） |
| 彈殼長度 | 1.155 in（29.3 mm） |
| 全長 | 1.55 in（39 mm） |
| 底火種類 | Small pistol |
| Template:Infobox firearm cartridge/ballistics header Template:Infobox firearm cartridge/ballisticsTemplate:Infobox firearm cartridge/ballisticsTemplate:Infobox firearm cartridge/ballisticsTemplate:Infobox firearm cartridge/ballisticsTemplate:Infobox firearm cartridge/ballisticsTemplate:Infobox firearm cartridge/ballistics footer | |
| 測試槍管長度：4 in (vented) 來源：[1][2][3][4][5] | |
歷史
編輯1898年左右，美國喺菲律賓同當地嘅摩洛族戰士打仗期間，發現當時部隊用緊嘅.38長柯爾特子彈（.38 Long Colt）嘅威力唔夠。消息由戰場傳返美國之後，史密夫威爾信公司立即着手設計更有威力嘅子彈。佢哋將原本 1.031英寸（26.2毫米）嘅長柯爾特子彈拉長到 1.155英寸（29.3毫米），令到子彈可以入多一啲火藥[6]。
由於美軍已經改用點四五英寸口徑嘅手槍，史密夫威爾信公司於是向警察部門同民間市場推銷呢一種子彈，結果大受歡迎。
原本點三八特種彈係一種用黑火藥發射彈頭嘅子彈。無煙火彈發明之後，由於點三八特種彈廣受歡迎，各子彈生產商推出裝填無煙火藥嘅點三八特種彈[7][8]。
到咗1920年代，美國罪犯裝備加強咗，各個執法部門覺得佢哋嘅點三八特種彈唔夠威力，向子彈生產商要求設計更強力嘅子彈。各個子彈生產商推出咗唔同方案，設計出各種唔同嘅點三八特種彈同「點三八特種加強型子彈」（.38 Special +P），並且最終喺1935年設計咗點三五七密林彈（.357 Magnum）。同一時期，英國研究以史密夫威信喺1877年開發出嚟嘅點三八史密夫威爾信彈（.38 S&W）裝入200格令重量嘅彈頭，設計出38-200彈（38-200 亦寫做38/200），並且一直用到1960年代[9][10][11][12][13][14][15][16]。
雖然美軍喺1911年已經採用咗柯爾特公司嘅1911型點四五半自動手槍，但依然保留咗一支發射點三八特彈嘅左輪手槍。所以直到1960-70年代，軍方都斷斷續續咁研究同改進點三八特種彈[17][18]</ref>[19][20][21]。
而美國聯邦調查局喺1970年代依然重研究緊點三八特種彈，並而認為作為警用子彈，點三八特種（加強）彈嘅火力加上158格令「半切紙」彈頭（Semi-wadcutter）係最理想嘅配合。俗稱「聯邦調查局配方」（F.B.I. load）[22][23][24]。
特性
編輯雖然呢種子彈被稱為「點三八」，但實際上呢種子彈嘅彈頭直徑係大約零點三五七英寸（大約 9.068毫米），「點三八」其實係彈瞉嘅外徑尺寸。1850年代，當時嘅點三八子短柯爾特子彈（.38 Short Colt）採用一種「大頭」彈，彈頭露出嘅部份同彈殼同一尺寸。雖然之後已經唔再用「大頭」彈，但呢個口徑後嚟嘅子彈都依然照樣被稱為「點三八」，直到點三五七密林彈面世。亦都因為咁，所以點三八口子彈同點三五七密林彈其實係同一個口徑，只係彈殼長度唔同（.357 Magnum > .38 Special >.38 Long Colt > .38 S&W/ 38/200 > .38 Short Colt）。
點三八特種彈原本係一種裝填黑火藥嘅子彈，膛壓比較低。就算換咗裝填無煙火藥，膛壓都只有 17000 PSI 左右。
尺寸上，同點三八特種彈口徑差唔多嘅有點三五七密林彈（.357 Magnum）、點三八零柯爾特自動手槍彈（.380 ACP）、點三八超級彈（.38 Super）、九毫米（9 X19mm Parabellum）、馬卡洛夫彈（9 X18mm Makarov）、以及點三五七西格彈（.357 Sig）。但以上各種子彈嘅膛壓、初速、槍口動能等等都同點三八特種彈唔同。
| 子彈 | 彈頭重量 單位：格令 gr（1磅 =7000格令） |
初速 單位：英尺/秒，f/s |
槍口動能 單位：磅/英尺，ft•lbf（焦耳，J） |
最大膛壓 單位：Copper Units of Pressure，CUP（黑火藥子彈）、 Pounds per Square Inch，PSI（無煙火藥子彈） |
|---|---|---|---|---|
| .38 Short Colt | 135 gr（8.7克） | 777 ft/s（約237米/秒） | 181 ft•lbf (245 J) | 7,500 CUP |
| .38 Long Colt | 150 gr（9.7克） | 777 ft/s（約237米/秒） | 201 ft•lbf (273 J) | 12,000 CUP |
| .38 S&W | 158 gr（10.2克） | 767 ft/s（約234米/秒） | 206 ft•lbf (279 J) | 14,500 PSI |
| .38 S&W Special | 158 gr（10.2克） | 940 ft/s（約290米/秒） | 310 ft•lbf (420 J) | 17,000 PSI |
| .38 Special +P | 158 gr（10.2克） | 1000 ft/s（約300米/秒） | 351 ft•lbf (476 J) | 20,000 PSI |
| .38 Special +P+ | 110 gr（7.1克） | 1100 ft/s（約340米/秒） | 295 ft•lbf (400 J) | >20,000 PSI |
| .380 ACP | 100 gr（6.5克） | 895 ft/s（約273米/秒） | 178 ft•lbf (241 J) | 21,500 PSI |
| 9x19mm Parabellum | 115 gr（7.5克） | 1300 ft/s（約400米/秒） | 420 ft•lbf (570 J) | 39,200 PSI |
| 9x19mm Parabellum | 124 gr（8.0克） | 1180 ft/s（約360米/秒） | 383 ft•lbf (520 J) | 39,200 PSI |
| 9x18mm Makarov | 95 gr（6.2克） | 1050 ft/s（約320米/秒） | 231 ft•lbf (313 J) | 23,206 PSI |
| .38 Super | 130 gr（8.4克） | 1275 ft/s（約389米/秒） | 468 ft•lbf (634 J) | 36,500 PSI |
| .357 Magnum | 158 gr（10.2克） | 1349 ft/s（約411米/秒） | 639 ft•lbf (866 J) | 35,000 PSI |
| .357 SIG | 125 gr（8.1克） | 1350 ft/s（約410米/秒） | 506 ft•lbf (686 J) | 40,000 PSI |
上面個表嘅數據，係基於所有子彈由一枝六英寸長嘅槍管發射嘅結果。用短槍管手槍發射嘅話，結果會同上面個表嘅數據差好遠。另外，由圖表可以見到，就算同一種子彈，彈頭重量對各項數據都有影響[25]。
參考
編輯- ↑ "Federal Cartridge Co. ballistics page". 原著喺2007-06-26歸檔. 喺2007-09-25搵到.
- ↑ "SAAMI Pressures". 原著喺2007-06-21歸檔. 喺2007-09-25搵到.
- ↑ "SAAMI Pressures". 原著喺2007-11-16歸檔. 喺2007-09-25搵到.
- ↑ "Accurate Powder Loading Data" (PDF). 喺2007-09-25搵到.
{{cite web}}: CS1 maint: url-status (link) - ↑ "Cartridge Loading Data - Hodgdon". 原著喺2007-11-16歸檔. 喺2007-09-25搵到.
- ↑ Barnes, Frank C. Ken Warner, editor. Cartridges of the World, 6th Edition. Northbrook, Illinois: DBI Books, 1989. ISBN 978-0-87349-033-7. The failure of the .38 Long Colt as a service cartridge caused the U.S. Army to insist on a .45 chambering for the its 1907 pistol trials.
- ↑ Smith, Clint (2005). "Special specials: what, where and why?". American Handgunner. 原著喺2007-10-02歸檔. 喺2007-09-25搵到.
- ↑ Petty, Charles E. (2006). "The .38 special: one of our favorite rounds". Guns Magazine. 原先內容歸檔喺2007-09-13. 喺2007-09-25搵到.
- ↑ Sharpe, Phil, The New Smith & Wesson Heavy Duty .38, The American Rifleman, November 1931
- ↑ Shideler, Dan, Is This the Greatest .38 Ever, Gun Digest, 4 August 2008
- ↑ Sharpe, Phil, The New Smith & Wesson Heavy Duty .38, The American Rifleman, November 1931: Chambered in .38 Special, the .38/44 was built on the old S&W .44-calibre Hand Ejector frame.
- ↑ Shideler, Dan, Is This the Greatest .38 Ever, Gun Digest, 4 August 2008: The new .38/44 load developed a maximum allowable pressure of 20,000磅力每平方英寸（140百萬帕斯卡）, producing a velocity of about 1,100 ft/s（340 m/s） from a 5 in（130 mm） barrel with a 158 gr（10.2 g） metal-tipped bullet.
- ↑ Ayoob, Massad. "The Colt Official Police: 61 years of production, 99 years of service" 互聯網檔案館嘅歸檔，歸檔日期2015年11月7號，., Guns magazine. BNET Web site – Find articles. Accessed 2 April 2011: Because of their heavy frames, these revolvers could withstand the higher-pressures generated by the new loadings.
- ↑ Sharpe, Phillip B. (1937). Complete Guide to Handloading. Funk & Wagnalls. pp. 405–406.
- ↑ Metcalf,, Dick (2000). "The 20th Century's Top Handgun Cartridges". Shooting Times. 原著喺2016年3月4號歸檔. 喺2013年10月25號搵到.
{{cite journal}}: CS1 maint: extra punctuation (link) - ↑ Barnes, Frank C. (2006) [1965]. Skinner, Stan (編). Cartridges of the World (第11版). Iola, Wisconsin: Gun Digest Books. p. 299. ISBN 0-89689-297-2.
- ↑ Brown Jr., Edwards, DCM Shopper's Guide, The American Rifleman, (April 1946), p. 18
- ↑ Scarlata, Paul, Smith & Wesson's Model 12 Airweight, Shooting Times . Retrieved 3 April 2011. 互聯網檔案館嘅歸檔，歸檔日期31 December 2010[日期錯].
- ↑ TM 43-0001-27, Army Ammunition Data Sheets - Small Caliber Ammunition, FSC 1305, Washington, D.C.: Dept. of the Army, 29 April 1994
- ↑ Military .38 Special Ammunition, The American Rifleman (March 1982), p. 68
- ↑ TM 9-1305-200. Small Arms Ammunition, Washington, D.C.: Departments of the Army and the Air Force (June 1961)
- ↑ Ayoob, Massad, "Why are We Still Using the .38 - It's Still A Good Cartridge", American Handgunner, San Diego: Publishers Development Corp., Vol. 6, No. 30, September/October 1981, p. 64
- ↑ Ayoob, Massad, The Gun Digest Book of Combat Handgunnery, Iola, Wisconsin: Gun Digest Books, ISBN 0896895254, ISBN 9780896895256 (2011), p. 98
- ↑ What is +P and +P+ ammunition?
- ↑ Ballistics By The Inch .38 special results.
連出去
編輯