點指兵兵
呢篇文講遊戲。想搵1979年電影嘅話，請睇點指兵兵 (電影) 。點指兵兵係一種兵捉賊遊戲。
玩法
編輯大家伸隻手出嚟，一隻疊一隻，捉住下面隻手指公，由最上面嗰隻手開始向下數：「點指兵兵點著誰人做大兵」，數到做「兵」嗰隻手，嗰個就做「兵」，嗰隻手拎走，跟住再由最下面嗰隻手數返上去 ：「點指賊賊點著誰人做大賊」，數到做「賊」嗰隻手，嗰個就做「賊」，一樣嗰隻手拎走。最後剩低兩隻手，就會「上兵、下賊」。分咗一隊「兵」、一隊「賊」之後，做「賊」嘅走先，做「兵」嘅數十聲，之後做「兵」嘅去捉做「賊」嘅。
引伸用途
編輯有啲人想響幾樣嘢當中隨機揀一樣嗰陣，就會講「點指兵兵點著誰人做大兵」，每講一個字就指去下一個，講完指到邊個就揀嗰個。