齊富路 (廣州)

  呢篇文講廣東省廣州市嘅齊富路。想搵浙江省嘉興市嘅齊富路嘅話，請睇齊富路 (嘉興)。

齊富路（粵拼：cai4 fu3 lou6）係中國廣東省廣州市嘅一條馬路，喺白雲區嘅白雲新城入面，成條馬路東西走向，西邊從機場路開始，一直向東去到白雲大道南嗰頭。

齐富路 QIFU LU

齊富路嘅東邊嗰橛，白雲國際會議中心北邊附近。

性質： 一般馬路 全長： 2.1公里 行車線： 雙向4車道 地區： 廣州市白雲區 起點： 機場路 終點： 白雲大道南 主要建築： 山東大廈 齊富大酒店 新市雲霄樓 廣州白雲國際會議中心 廣州卡爾文大酒店

概要

全長2.1公里、闊22米，雙向4車道。

名

呢條馬路嘅名係話明有財富噉解。

史

其實舊時呢條馬路係一條好窄嘅泥路，直到2007年嘅白雲新城地皮開發咗之後，本身之前嘅窄馬路都整闊咗，甚至重將呢條馬路延長到蕭崗入面，而去到白雲大道南嗰橛喺2009年先至起好。

經過嘅道路

呢度啲路嘅順序係從西去到東嚟排嘅，其中加粗咗嘅字係主幹道：

• 機場路
• 雙擁路
• 誼信路
• 明珠路
• 雲城西路
• 雲城東路
• 白雲大道南

特色

呢條馬路嘅西邊都係一片城中村嘅地區，平時都好旺吓；而中間部分都係啲樓盤，都有啲人氣；而東邊嗰橛係會議中心嘅地區，除咗有大型會議之外，其他時間都好冷清。

攷

• 广州现有路名分类 同创卓越