龍眼

龍眼（粵拼：lung4 ngaan5；學名：Dimocarpus longan）；第個名係桂圓（gwai3 jyun4）或荔枝奴（lai6 zi1 nou4）；閩南話嗰邊重可以嗌福圓（fuk1 jyun4；閩南話：Lêng-géng）；佢既係無患子科龍眼屬嘅常綠大喬木，又係華南嘅亞熱帶地區入面猛咁出嘅一種生果。呢樖嘢重可以用嚟做風景林同埋防護林。

How to read a taxobox 龍眼
龍眼嘅樹 龍眼樹上嘅果
瀕危指標
Near Threatened (LR/nt)
物種分類
域(Domain): 真核域 Eukarya 界 植物界 Plantae 門 被子植物門 Magnoliophyta 綱 雙子葉植物綱 Magnoliopsida 目 無患子目 Sapindales 科 無患子科 Sapindaceae 屬 龍眼屬 Dimocarpus 種 龍眼 D. longan
二元學名
Dimocarpus longan Lour.

名

劉永福故居入面嘅龍眼樹牌

「龍眼」呢個名究竟係點嚟，到而家為止，連古代嘅書入面都冇明顯嘅出處。

古仔

雖然話噉，但係有三篇同佢有關嘅得意古仔：

其中前兩篇嘅古仔係後嚟冇乜人信佢，而最後一個古仔就有啲拉臣吓。

惡龍同桂圓一齊死埋？

喺舊時傳說就出現咗條惡龍，成日喺度搞搞震，冇幫襯，嚟將民眾搞到一鑊熟。結果有位嗌「桂圓」嘅英武少年嚟為民除害，隻身去打殘條惡龍。結果佢先用鋼刀銡穿咗惡龍嘅左眼，喺惡龍反撲嗰陣又將佢嘅右眼都挖埋，結果惡龍就因為出血太多先至死咗。而桂圓都唔好彩，佢因為傷得太重都死埋。收尾班鄉親就將龍眼同桂圓埋咗落地下，結果第年就出咗兩樖大樹，而且重結埋果，而果嘅樣就好似嗰時嘅龍眼。所以啲人就嗌佢係「龍眼樹」或「桂圓樹」。

善龍隻眼跌咗落地，變成樖樹？

喺舊時傳說話有個人識咗條善龍。後嚟佢出街黐咗張皇榜話搵龍眼幫皇后醫眼病。點知佢去搵咗條善龍，善龍就將自己隻眼挖咗下嚟畀佢。而嗰個人將龍眼畀咗皇帝之後，皇帝就開心喇，佢出咗好多金銀畀嗰個人，說如估將另一隻龍眼都搞嚟嘅話就畀你做大官。點知嗰位又去搵善龍。善龍話唔畀之後，搞到嗰位人趁善龍唔注意就掹咗把刀仔殺咗條善龍，而善龍就嬲到擘大隻嘴將嗰個人揼死咗。但係嗰隻眼跌咗落地就變成龍眼樹。

楊貴妃食咗嗰隻水果之後，尐病就好返嗮？

重有個古仔就話之前楊貴妃病咗，乜都唔食嘅。點知有位大臣就向唐玄宗介紹咗個水果畀楊貴妃食，而楊貴妃睇啱咗呢隻水果就猛咁食，結果尐病就好返嗮。而唐玄宗就幫呢隻水果改咗名嗌「桂圓」。而「桂圓」呢兩個字就係「貴體復原」噉解。

所謂「荔枝奴」

因為呢隻水果成日喺荔枝結咗果之後就輪到佢結果嘅，所以「荔枝奴」嘅名就係噉嚟。

形態

呢樖嘢有6——10米高。樹葉係長橢圓形，而且係互生品種嘅偶數好似羽毛噉嘅複葉。而葉嘅硬度同顏色方面，都有啲似牛皮噉，而且係緣色、光滑到冇毛咁滯，成樖嘢嘅地基嗰度有小小斜。而花嗰方面，佢開黃白色嘅花仔，有公同乸嘅兩性花，而結果時間一般喺秋初時分。而佢嘅果係啡片白肉黑核，味清甜。但係呢樖嘢嘅生長環境要求都好高吓，一般喺亞熱帶比較暖嘅氣候而且冇乜霜凍嘅地區係最啱佢生嘅。

水果

龍眼嘅果

龍眼嘅果既可以生食，又可以整成龍眼乾嚟食。而佢啲花蜜係蜂蜜入面，品質最靚嘅一個，因為佢嘅色係金黃到好苓。喺冚唪唥嘅龍眼品種入面，其中肉大核細嘅「石硤」係最靚嘅品種。

藥用價值

龍眼可以用嚟做藥，佢可以醫貧血、心悸、失眠、健忘、神經衰弱同病後、產後身體虛弱等病。但係食得太多就好滯氣，而且有熱氣嗰啲人係食得。尤其係大肚婆，如估食咗佢嘅話，好易搞到BB嘅胎氣有問題。

有關嘅書

• 《臺灣蔬果實用百科第三輯》，薛聰賢 著，薛聰賢出版社，2003年
• 5. Yang B, Jiang YM, Shi J, Chen F, Ashraf M. Extraction and pharmacological properties of bioactive compounds from longan (Dimocarpus longan Lour.) fruit – A review. Food Research International, 2011, 44, 1837–1842.

睇埋

• 荔枝

出面網頁

• 我国荔枝的起源和栽培发展史 - 罗桂环
• 龙眼 - 秦风网
• 龍眼 Longyan 藥用植物圖像數據庫 (香港浸會大學中醫藥學院) （中文）（英文）
• 龍眼肉 Longyanrou 中藥材圖像數據庫 (香港浸會大學中醫藥學院)
• 龍眼肉 Long Yan Rou 中藥標本數據庫 (香港浸會大學中醫藥學院) （繁體中文）（英文）
• Fruits of Warm Climates: Longan
• Longan Production in Asia from the Food and Agriculture Organization of the United Nations