龍眼洞森林公園

 龍眼洞森林公園（粵拼：lung4 ngaan5 dung2 sam1 lam4 gung1 jyun2） （注意「洞」字有地名變音）係中國廣東省廣州市嘅一間森林公園，喺2000年起，2001年起好，位置喺天河區龍眼洞西邊嘅山地東坡。東北邊冇遠係漁沙坦，西北邊係鬼王山，南邊係元崗同長湴嘅交界。呢間公園係天河區火龍鳳生態景區當中嘅其一景，山頂有4座琉璃瓦頂嘅亭。另外，喺呢間公園西邊有條路可以去到金盤嶺、鬼王山同烏仔山、杓蔴山等超易蕩失路嘅地區，亦可以去到漁沙坦、大源、太和嶂附近。

龍眼洞森林公園正門

喺公園東邊嘅石陂湖邊，有廣東邊防武警同龍眼洞啲居民一齊搞嘅軍民友誼林。2002年植樹節時，幾千位武警官兵同天河區政府、沙河鎮（今日嘅沙河街道），龍眼洞各級領導幹部同村民一齊上山種樹。