龍血樹

龍血樹（粵拼：lung4 hyut3 syu6；學名：Dracaena），廣東地區又嗌不才樹，係百合科屬下嘅一個屬嘅常綠喬木，原產地喺非洲西邊嘅加拿列群島嘅熱帶雨林入面。佢嘅屬下喺全世界入面，一共有150幾種唔同嘅植物。

How to read a taxobox 龍血樹
龍血樹屬下嘅一個品種——德拉高龍血樹
物種分類
界 植物界 門(Divisio): 被子植物門 綱 單子葉植物綱 目 天門冬目 Asparagales 科 百合科 Asparagaceae 亞科 假葉樹亞科 Nolinoideae 屬 龍血樹 Dracaena Vand. ex L.
種
睇吓嗰邊

名

呢種植物嘅名係因為受咗傷之後流出嚟啲樹脂係暗紅色，好似流血噉，所以「龍血樹」嘅名就係噉嚟。喺加拿列群島嗰邊有個同呢樖樹有關嘅古仔，就係有條大龍同大象一齊打嗰陣，搞到地下出咗好多血先至改成噉嘅樹名。

形態

植株高10—20m，主幹比較粗，直徑一般＞1m，喺樹上有好多分枝，成樖嘢從出面睇落去好似個英文大寫字母「Y」字噉。而樹葉方面，佢嘅樹葉係翠綠帶有些小白，似有好多把利長劍倒插響枝頂。花白綠，花被6裂；果係橙黃色。

習性

呢種植物嘅生長速度都好慢，一般幾個世紀先至生成一樖樹，幾十年先開一次花。佢嘅莖係每年加粗一次，因為入面嘅薄壁細胞可以唔停噉分裂。

用途

龍血樹嘅樹脂雖然係暗紅色，但佢係比較出名嘅防腐劑同油漆嘅原料。喺而家嚟講，街邊買到嘅紅油漆原料就成日用到呢樖嘢嘅樹脂嚟整嘅。而樹脂喺結咗醮之後，重可以用嚟做藥，可以醫腰酸背痛嘅病。另外，佢嘅灌木重可以用嚟做觀景植物都得。

屬下嘅品種

• 長花龍血樹
• 德拉高龍血樹

有關嘅書

• 中国少年儿童百科全书 自然·环境 第461——462页　浙江教育出版社 ISBN 7-5338-1946-2/G·1942
• Waterhouse, J. T. 1987. The Phylogenetic Significance of Dracaena-type growth. Proc. Linn. Soc. N.S.W. 109: 129-128.