龔照勝
龔照勝（粵拼：gung1 ziu3 sing3，1955年3月29號—2016年3月18號）係臺灣銀行家，做過臺灣糖業公司董事長同第一任中華民國金融監督管理委員會主任委員。
| 龔照勝 | |
|---|---|
| 出生日 | 1955年3月29號  |
| 出生地 | 關山鎮 |
| 死亡日 | 2016年3月18號 （60歲） |
| 死亡地 | 臺北市 |
| 死因 | 心肌梗塞 |
| 國籍 | 中華民國 |
| 母校 | 國立交通大學、印第安納大學 |
| 職業 | 銀行家、政治人 |
| 政黨 | 中國國民黨 |
[改維基數據] | |
生平
編輯龔照勝生於台東縣關山鎮，屋企八個兄弟姊妹之中排最細。阿爸係一名煙酒零售商，經同業支持下，成為台灣煙酒公賣區配銷處主任。其中姑姑開設藥廠，賣止痛藥，五分珠。
喺國立交通大學海洋運輸學系，取得學士學位。留學美國，1983年取得印第安納大學商學碩士。畢業後返台灣，進入新加坡銀行工作。此後一直喺台灣嘅外商銀行界工作，2000年任瑞士信貸第一波士頓銀行台灣區總裁。
喺2000年總統大選時，支持陳水扁陣營。喺陳水扁政府時期，2001年，以瑞士信貸第一波士頓銀行台灣區總裁身份，組織銀行招商團，跟財政部長顏慶章出訪歐洲，招募歐洲銀行前嚟到台灣投資。因為噉，瑞士信貸第一波士頓銀行受到中華人民共和國嘅政治壓力，喪失喺中國嘅承銷權以及幾個信貸案，龔照勝喺2002年被迫退休。龔照勝控告瑞士信貸，獲得資遣費。喺2002年至2003年間，任東森美洲台顧問。
於2003年，龔照勝出任台灣糖業公司董事長。2004年7月1號任金管會首任主任委員。
2006年，俾當時台灣糖業董事長余政憲告發[1]，檢方起訴龔照勝，認為佢喺台糖公司董事長期間，涉入三項台糖弊案。龔照勝話自己清白，拒絕請辭，俾當時嘅行政院長蘇貞昌將佢停職，撤換其中金管會主委一職，並移送監察院調查。呢三項弊案，分別喺2008年、2009年及2010年獲判無罪。龔照勝喺2009年另外提起行政訴訟，希望撤銷停職命令，但敗訴[2]。此外，喺2006年，經法務部調查，龔照勝喺擔任台糖董事長期間，漏報名下財產，判罰12萬元。喺2008年，龔照勝遭監察院彈劾。
參考
編輯- ↑ 黃巽君 (2005-11-15)。〈台糖清門戶 舉發龔照勝〉。台灣蘋果日報。喺2016-03-19搵到。
- ↑ 〈前金管會主委龔照勝 撤銷停職敗訴〉。《聯合報》。2009-10-01。原著喺2009-10-04歸檔。喺2016-03-20搵到。
- ↑ 〈前金管會主委龔照勝驚傳心肌梗塞去世〉。民報。2016-03-19。原著喺2018-11-03歸檔。喺2016-03-19搵到。
連出去
編輯| 官銜 | ||
|---|---|---|
| 中華民國行政院 | ||
| 首任 | 行政院金融監督管理委員會主任委員 首任 2004年7月1號－2006年5月11號 |
繼任： 呂東英（代理） 正任：施俊吉 |