龜兔賽跑
《
故事
編輯好耐之前，有隻兔仔見到烏龜爬得好慢，就故意嘲笑佢重串佢噉話：「不如我哋賽跑吖」。烏龜諗咗陣，就答應咗。
第二日朝早，兔仔同烏龜嘅比賽開始喇。一出發，兔仔就好似一支箭噉衝咗出去，好快就將烏龜遠遠拋離，連影都唔見。兔仔心諗：「烏龜夠膽同我賽跑，真係天大嘅笑話。橫掂佢爬得咁慢，我就瞓一陣覺起身再跑，我都實贏到佢」。於是，兔仔就坐低喺一樖大樹底下自在噉瞓著咗。
烏龜雖然爬得好慢，但係佢都好盡力向住終點向前爬，冇停低休息過。過咗一陣又一陣，終於離終點越嚟越近。
兔仔醒咗，發現已經係黃昏，突然醒起同烏龜賽跑緊，於是急忙向住終點去跑。可惜為時已晚，無論佢幾咁搏命噉跑，亦都趕唔上已經到達終點嘅烏龜。兔仔非常羞慚愧，後悔莫及，從此唔敢再嘲笑其他人喇。
