龜頭 (脧)

  想搵第二個意思嘅話，請睇龜頭。

龜頭，又叫做陰莖頭，指陰莖前端嘅球狀物，由尿道海綿體前端膨大而成。前端盡頭有尿道口，係尿液同精液嘅共同出口。

正常嘅龜頭

將包皮向後掹，露出龜頭嘅過程。

龜頭表面有豐富嘅神經，因此龜頭係成條陰莖最靈敏嘅地方之一，容易受到性刺激而達到雄性性高潮及射精。

龜頭天生被陰莖包皮包住。包皮過長嘅男性，要將包皮向後掹，個龜頭先至突到出來。包皮無辦法向後掹到現出龜頭，爾種現象叫做「包莖」。

龜頭後端係冠狀溝，痾完尿之後殘餘嘅尿液可能會積積埋埋喺龜頭同包皮之間，尿液裡面嘅物質可能沉澱成尿垢，引致細菌或真菌生長，導致發炎。因此包皮過長嘅男性需要經常清洗包皮內側同龜頭，保持生殖器清潔。包莖嘅男士如果清洗唔到包皮內側同龜頭，就可能需要進行包皮環切術或者包皮背切術。不過，包皮內側皮脂腺嘅分泌物裏面含有溶菌成分，能夠抵擋有害細菌，亦都有保護龜頭嘅功能，如果清洗頻繁過龍，也會可能會感染外來細菌，導致發炎。