𨈓[1](本來讀 lang4,如今讀 leng1),俗寫𡃁。𨈓係個會意字,體形細小咁解。例如:「𨈓仔」、「𨈓妹」指細路仔、細路女;但係「𨈓仔」、「𨈓妹」係亦都會用來貶稱一尐幼稚、思想唔成熟嘅人,唔一定係體形矮細,而係引申出來嘅意義。呢個字坊間俗寫做「𡃁」。

原來,四川話都有呢個字:喺南川讀[laŋ][2];成都有個講法:「大拇指哥,二拇指弟,中三娘,王計,小𨈓包不成氣」[3];另外,四川話有個詞:「𨈓瓤」,用來形容人/事弱小。

參考

  1. 𨈓
  2. 《南川縣誌》(1931年)咁寫:「呼體瘦細曰𨈓,與胖對,讀浪之陰平」
  3. 《成都通覽·童謠》