1912年奧林匹克運動會

1912年奧林匹克運動會，係第5屆現代奧林匹克運動會，1912年5月5號到7月27號喺瑞典斯德哥爾摩搞。

呢屆奧運會一共有28個國家參與，當中5個國家首次參加，包括埃及、冰島、葡萄牙、塞爾維亞、日本。

賽事焦點

• 由於酷熱天氣嘅影響，葡萄牙運動員法蘭斯高·拉薩諾喺呢屆奧運會嘅馬拉松比賽入面瓜老襯。
• 美國運動員占科比（Jim Thorpe）喺男子田徑嘅兩項個人全能比賽（分別係五項全能同埋十項全能）中攞晒金牌，但之後畀傳媒篤灰，話佢喺「半職業性棒球賽」嗰陣時搵外快，違反咗全職運動員守則，而被褫奪金牌同埋所有運動紀錄，直到1982年（占科比喺1953年瓜老襯，當時佢已經死咗29年）先至平反昭雪。