1994年一級方程式賽車聖馬力諾大獎賽

1994年一級方程式賽車聖馬力諾大獎賽（意大利文：14° Gran Premio di San Marino）係1994年一級方程式賽車賽季嘅第三場比賽，喺意大利艾美利亞－羅曼尼亞大區靠近聖馬力諾嘅伊莫拉賽道舉行。

聖馬力諾大獎賽所在嘅伊莫拉賽道喺1994年大獎賽之後改建過。

爾場比賽係20世紀90年代一級方程式賽車第一次喺一場比賽裡面有兩位車手因為撞車而喪生，喪生嘅分別係代表MTV Simtek車隊出戰嘅奧地利車手羅蘭德·拉岑伯格，同埋有「車神」稱號，代表威廉斯車隊出戰嘅巴西車手艾勒通·些拿·達蕭華。另外重有另一位巴西車手魯賓斯·巴列奇羅喺練習賽期間撞車嚴重受傷。今次比賽兩死一傷嘅慘劇對一級方程式賽車產生徂震撼性嘅影響，令到國際汽聯終於開始重視車手安全嘅問題，開始著手制訂更嚴格嘅賽道同賽車安全準則；而解散徂12年嘅一級方程式車手協會亦都得以重組。之後直到2015年，一級方程式賽車都未再發生過車手因比賽期間撞車而喪生嘅慘劇。