2006年冬季奧林匹克運動會阿爾巴尼亞代表團

2006年2月10號至26號，意大利拖連奴舉辦冬季奧林匹克運動會，阿爾巴尼亞有派團出賽。今次係阿爾巴尼亞第一次參加冬奧，不過其實佢哋之前已經參加過幾次夏季奧運。今次嘅阿爾巴尼亞代表團只有一位運動員參賽，佢就係高山滑雪運動員艾莊·托拉，佢參加咗三項賽事，最好嘅成績係喺男子大曲道入面排第35。

冬季奧林匹克運動會 阿爾巴尼亞代表團
IOC編碼	ALB
NOC	阿爾巴尼亞國家奧林匹克委員會
網站	nocalbania.org.al  （阿爾巴尼亞文）
冬季奧林匹克運動會（都靈）
運動員	1（1男）
參賽項目	1個大項
持旗手	艾莊·托拉（開幕及閉幕）
獎牌榜	金牌 銀牌 銅牌 總計 0 0 0 0

背景

阿爾巴尼亞喺1972年慕尼黑第一次參加奧運，之後就隔咗20年，去到1992年巴薩隆拿奧運先再參加，之後就每屆夏季奧運都有參加。直至目前阿爾巴尼亞喺夏奧同冬奧都未攞過獎牌。2006年拖連奴冬奧係阿爾巴尼亞第一次參加冬奧，代表團有一位參賽者，佢係高山滑雪運動員艾莊·托拉，佢亦係開幕典禮同閉幕典禮嘅持旗手。托拉亦都係阿爾巴尼亞喺2010年冬奧嘅唯一一位參賽者。

高山滑雪

艾莊·托拉喺1986年12月15號出世，參加拖連奴冬奧嘅時候19歲。喺2月18號，托拉參加男子超大曲道，以1分44秒嘅成績完成，排第56，係能夠完成賽事嘅參賽者之中最後一名，而金牌嘅成績係1分30秒。兩日後，佢參加大曲道，佢兩次嘅成績分別係1分30秒同1分32秒，總成績3分零2秒，喺41名完成賽事嘅參賽者中排第35，而金牌選手嘅成績係2分35秒。喺2月25號，佢參加男子迴轉滑雪，不過未能完成賽事。

運動員	項目	決賽
		第1次成績	第2次成績	總成績	排名
Erjon Tola	男子超大曲道	n/a		1:44.27	56
	男子大曲道	1:30.87	1:32.02	3:02.89	35
	男子迴轉滑雪	未完成