第6屆越南國家主席選舉

第6屆越南國家主席選舉響2016年4月2號舉行。

第6屆越南國家主席選舉
越南選舉政治專題
‹ 2011 •  • 2021 ›
2016年4月2號
選舉類型				國家主席
選舉統計
選民人數						500
總投票數						483
‎總投票百分比 有效選票　　　　　　　　481 無效選票　　　　　　　　2
							91%
			陳大光－越南共產黨
			投票數				452
									91.50%
越南社會主義共和國主席
選前 阮氏緣 越南共產黨						選後 陳大光 越南共產黨

2016年4月2號，越南第13屆國會第11次會議喺首都河內召開全體會議，投票選出陳大光做越南國家主席。越共總書記阮富仲隨後致上祝賀。

制度

呢次選舉喺越南首都河內國會舉行，五百個國會議員以間選嚟選出越南社會主義共和國主席一職。國家主席係越南名義上嘅國家元首，憲法規定係軍隊最高指揮官，不過由於越南共產黨一黨執政，越共總書記地位同權力都喺國家主席之上，而且直接領導越共中央軍委，掌握實際嘅軍權，所以總書記先係黨同國家最高領導人。

背景

2016年3月21號，越南第13屆國會第11次會議喺首都河內開幕，估計喺4月12號閉幕。呢次會議重點會講國家話事人同主要官員，以做到越南共產黨第12次全國代表大會嘅決議。

2016年3月31號，越南國會根據越共決議，將已經卸任政治局委員嘅張晉創拉落馬，之後就開始傾國家主席候選人方案；冇耐就提名越南共產黨第12屆中央政治局排名第二嘅委員、公安部部長陳大光做唯一候選人。 　　

候選人

唯一候選人嘅陳大光，1956年喺越南北部寧平省出世，有教授同博士學位。佢喺2006年越共10大先入到越共中央委員會，2011年入到越共11大越共中央政治局，喺同一年贏出國會選舉入到越南第13屆國會。陳大光之前喺越南長期做內務部和公安部嘅嘢，2011年開始做公安部部長。2016年越共十二大再次連任政治局委員，排名升到第二，僅次於作為黨同國家最高領導人嘅越共總書記阮富仲。

結果

2016年4月2號，有483個議員出席國會，唯一候選人嘅陳大光攞到452個議員讚成票、29票反對、兩張廢票。