維基百科

武漢肺炎

由沙士病毒2型引發嘅傳染病
(由2019年冠狀病毒病跳轉過嚟)
  呢篇文章講嘅係一種新型冠狀病毒引發嘅傳染病。想搵呢隻病喺2019年年底起引發嘅肺炎疫情，請睇「武漢肺炎大爆發」。想搵引發呢隻病嘅病毒，請睇「沙士病毒2型」。

武漢肺炎（粵拼：mou5 hon3 fai3 jim4，英文：Wuhan Pneumonia［英文：COVID-19］），係由沙士病毒2型（俗稱武漢冠狀病毒）引發嘅傳染病，係非典型肺炎嘅一種。2019年，隻病首次爆發嘅地點係中國湖北武漢——事件叫做武漢肺炎大爆發。[1]

武漢肺炎
分類同外部資源
武漢肺炎病徵

名

編輯

「武漢肺炎」（亦簡稱武肺）曾經係呢一隻病喺粵語圈嘅通用稱呼，喺世界衛生組織定出標準名之前，英文傳媒就興用Wuhan Coronavirus（中文：武漢冠狀病毒）同Wuhan Virus（中文：武漢病毒）等詞[2][3][4][5]；而喺出標準名之前嘅台灣，唔單止民間，就連政府部分部門，都依然沿用「武漢肺炎」呢個名[6]，香港官方將呢隻病叫嚴重新型傳染性病原體呼吸系統病[7]，亦有用內地新型冠狀病毒感染肺炎[8]；而香港坊間有啲人會叫武漢急性呼吸綜合症[9]（英文：Wuhan Acute Respiratory Syndrome，簡稱WARS[10]）。中國香港媒體早期叫不明原因肺炎[11]。中國大陸官方早期叫新型冠狀病毒感染肺炎（簡稱新型肺炎），之後改叫新型冠狀病毒肺炎（英文：Novel Coronavirus Pneumonia，簡稱新冠肺炎，英文簡稱NCP[未記出處或冇根據]）；臺灣官方就叫嚴重特殊傳染性肺炎[12]亦用「武漢肺炎」[13]。

1月30號，世衞組織提議一個學術名2019-nCoV急性呼吸疾病（英文：2019-nCoV acute respiratory disease）[14]，2月11號正式定名 2019冠狀病毒病（英文：Coronavirus Disease 2019，簡稱COVID-19）[15]。

3月17號，由於有為數唔少嘅中國網民散播武漢肺炎嘅源頭「由美軍傳播去中國」呢個謠言，美國總統當勞侵（Donald Trump）響社交網站Twitter出貼文將武漢肺炎病毒稱為「英文：Chinese Virus」（中文：中國病毒），並響記者會將呢個名再三提及。侵話講呢個名係因為呢個病毒來自中國，唔關種族歧視事。

據社交網路3月25號左右發覺，中國大陸當局開始咗大規模嘅刪啲寫往「武漢肺炎」嘅新聞嚟保障返自己，目的係話俾啲人聽咁樣係一種污名化，有冒犯性同極度唔負責任嘅行為。跟往環球時報英文網、新華網（英文）等就陸續將舊嘅報導入邊嘅「武漢肺炎」改成第二個名，或者直接鏟走咗個「武漢肺炎」[16][17]。與此同時，港澳政府都做類似嘅嘢；雖然依然有民主派傳媒唔聽政府枝笛而繼續用「武漢肺炎」，但係多數已經喺2021年由於政治打壓同失去民望（病毒命名並非主因）而執咗笠，不過有部份人都依然鐘意叫佢做「武漢肺炎」。

有啲人確信中共係相關瘟疫嘅罪魁禍首，於是將佢叫做中共病毒（英文：CCP Virus）。[18][19]

病原體

編輯
内文：沙士病毒2型

武漢肺炎嘅病原體係一隻新發現嘅冠狀病毒，由於係喺2019年發現，世界衞生組織暫時叫佢做「2019-nCoV」，意思係「2019新型冠狀病毒」。2020年2月11號，國際病毒分類委員會正式定名做「沙士病毒2型」（SARS-CoV-2）。

病徵

編輯

武漢肺炎病徵主要係發燒、無力、乾咳，病情嚴重嘅會呼吸困難，甚至死亡。可能感染呢個病嘅特有症状，就有喪失嗅覺，味覺減退[20]。

傳播途徑

編輯

武漢肺炎主要係透過呼吸道飛沫傳播，亦可以通過接觸傳播[21]，潛伏期介乎兩到十四日，最多去到26日。

治理

編輯

暫時無藥專門醫治武漢肺炎，主要靠一啲抗病毒藥同埋支援性治療去紓緩病情。

預防

編輯

除咗打武漢肺炎疫苗同保持社交距離之外，亦要靠保持個人衛生同埋避免近距離接觸病人。由於研究發現嗅覺喪失，都會係受感染嘅特徵之一，英國鼻科學會（British Rhinological Society）主席嘉莉兒霍普金斯（Claire Hopkins）教授，同耳鼻喉英國（ENT UK）主席尼瑪律·庫馬爾（Nirmal Kumar），就發表咗聯合聲明，敦促醫護治理失去嗅覺嘅病患時都要著防護裝備，仲建議唔好同任何人做不必要嘅鼻竇內窺鏡診療，因為病毒可以喺鼻腔同喉入邊複製，做檢查搞到病患咳或打乞嗤就弊傢伙[20]。

社交距離

編輯
 
武漢肺炎大爆發期間，排隊入一間超級市場嘅人，按照社交距離企開
睇埋：社交距離

社交距離措施，包括檢疫、旅遊限制、停工停課等，旨在減低人同人之間嘅密切接觸，從而減低病毒傳播嘅風險。

源頭

編輯

呢隻病被全球普遍認為喺中國湖北武漢江漢區嘅華南海鮮批發市場首先爆發。

不過由一班大陸醫療專家聯名嘅論文，早喺1月24號就喺國際著名醫學雜誌《刺針》發表，披露咗由2019年12月16號至2020年1月2號喺武漢金銀潭醫院收治嘅首批41例確診病例分析同研究，顯示當中27例有去過華南海鮮市場，另外14例就冇。

由此研究認為新型冠狀病毒嘅起源地唔係海鮮市場，而且病毒出現嘅時間應早過2019年11月左右[22][23]。

亦有包括前白宮貿易顧問納瓦羅（英文：Peter Navarro）在內嘅人提出源頭可能源於中國武漢P4實驗室[24]。

醫治研究

編輯

抗愛滋病藥

編輯

泰國衛生部2020年2月2號有話搵到咗治愈方法，係喺曼谷一間醫院收治嘅70歲中國籍女病患度，混合咗抗愛滋病毒藥利托那韋同洛匹那韋、抗流感藥奧司他韋（oseltamivir）、達菲等幾種藥來到醫，藥後48個鐘入邊個病毒話係消失咗[25][26][27]。

抗伊波拉藥

編輯

測試咁針對伊波拉病毒嘅美國藥廠生產嘅瑞德西韋，畀指係可以抵抗呢種肺炎嘅病毒，正做咁臨床試驗。

其他疾病

編輯

參考

編輯
  1. ↑ "What we know about new Wuhan virus and how you can stay safe". South China Morning Post (英文). 2020-01-09. 喺2022-01-11搵到.
  2. ↑ 〈大流行緣起武漢 十七年教訓盡忘（文：龍振邦、袁國勇） (09:00) - 20200318 - 文摘〉。《明報新聞網 - 即時新聞 instant news》 (繁體中文)。喺2022-01-11搵到。
  3. ↑ Jr, Donald G. McNeil (2020-02-02). "Wuhan Coronavirus Looks Increasingly Like a Pandemic, Experts Say". The New York Times (美國英文). ISSN 0362-4331. 喺2022-01-11搵到.
  4. ↑ https://www.bloomberg.com/news/articles/2021-06-24/u-s-confirms-removal-of-wuhan-virus-sequences-from-database
  5. ↑ 〈肺炎疫情下談疾病的命名與汙名｜劉紹華／三兩三｜獨立評論〉。《獨立評論@天下》 (中文)。喺2022-01-11搵到。
  6. ↑ 〈「新冠病毒」還是「武漢肺炎」？中美台不同表述的爭議〉。《BBC News 中文》 (繁體中文)。2020-03-20。喺2022-01-11搵到。
  7. ↑ 〈衞生防護中心 - 嚴重新型傳染性病原體呼吸系統病〉。原著喺2020年2月4號歸檔。喺2020年2月6號搵到。〈存档副本〉。歸檔時間2020年2月4號。喺2020年2月6號搵到。{{cite web}}: CS1 maint: bot: original URL status unknown (link)
  8. ↑ 衞生防護中心就內地新型冠狀病毒感染肺炎個案提供最新資訊 互聯網檔案館嘅歸檔，歸檔日期2020-02-06.
  9. ↑ 武漢現肺炎病例　何栢良稱本港應假設病毒可「人傳人」 互聯網檔案館嘅歸檔，歸檔日期2020-02-06.
  10. ↑ 〈受困WARS 首季樓價恐跌5%〉。原著喺2021年1月27號歸檔。喺2020年2月11號搵到。
  11. ↑ 〈因武汉不明原因肺炎，香港启动"严重"应变级别〉。《鳯凰網》。2020-01-04。原著喺2020-01-05歸檔。喺2020-01-05搵到。
  12. ↑ 嚴重特殊傳染性肺炎－衛生福利部疾病管制署 互聯網檔案館嘅歸檔，歸檔日期2020-03-27.
  13. ↑ 因應武漢肺炎國際分享專區 互聯網檔案館嘅歸檔，歸檔日期2021-11-17.
  14. ↑ 〈世卫组织建议新冠肺炎命名为"2019-nCoV急性呼吸疾病"〉。《鳯凰網》。2020-01-31。原先內容歸檔喺2020-01-05。喺2020-02-05搵到。
  15. ↑ 世卫组织总干事在2020年2月11日举行的2019新型冠状病毒新闻通报会上的讲话 互聯網檔案館嘅歸檔，歸檔日期2020年2月15日，.
  16. ↑ 武漢肺炎一詞被消失 中國官媒竄改過往新聞報導 互聯網檔案館嘅歸檔，歸檔日期2020-03-26. 中央通訊社（台灣） 2020-03-26
  17. ↑ 抓到！「武漢肺炎」一詞被中國官媒竄改、消失 互聯網檔案館嘅歸檔，歸檔日期2020-03-27. 新頭殼newtalk 2020-03-26
  18. ↑ 〈加州《中共病毒》雕像遭烧毁 陈维明誓言再塑与中共拉锯战〉。《美国之音》 (中文)。喺2022-01-11搵到。
  19. ↑ 〈评论 | 刘青：中共对病毒溯源为何死不认账？〉。Radio Free Asia (英文)。喺2022-01-11搵到。
  20. ↑ 20.0 20.1 丧失嗅觉可能是感染新冠病毒的特有症状 互聯網檔案館嘅歸檔，歸檔日期2020-03-29. 紐約時報中文 2020-03-25
  21. ↑ 〈嚴重特殊傳染性肺炎 疾病介紹〉。《臺灣衛生福利部疾病管制署》。
  22. ↑ 〈柳叶刀披露首例新冠肺炎患者发病日期，较官方通报早7天〉。2020-01-27。原先內容歸檔喺2020-01-30。喺2020-01-30搵到。 〈存档副本〉。歸檔時間2020-01-30。喺2020-02-06搵到。{{cite web}}: CS1 maint: bot: original URL status unknown (link)
  23. ↑ 病毒疑11月爆發 疫源或非海鮮市場 互聯網檔案館嘅歸檔，歸檔日期2020-01-31. 星島日報 2020-01-28
  24. ↑ 〈納瓦羅堅稱病毒可能來自武漢P4實驗室 並指中國只花60天就摧毀美國經濟〉。《法國國際電台(中文)》。2020-05-11。原著喺2020-07-30歸檔。喺2020-05-13搵到。
  25. ↑ 〈インフルとエイズの薬でコロナが消えた…タイ保健省〉。テレビ朝日。2020-02-03。原先內容歸檔喺2020-02-03。喺2020-02-03搵到。
  26. ↑ 〈タイ政府「新型肺炎、エイズ・インフル薬で治癒」と発表〉。日本経済新聞。2020-02-02。原著喺2020-02-02歸檔。喺2020-02-03搵到。
  27. ↑ Watsana嘅Twitter

出面網頁

編輯
 
維基同享有多媒體嘅嘢：
 
響維基新聞度有一單新聞係同呢篇文有關：
频道:2020年新型冠状病毒肺炎
臺灣
世界衛生組織（WHO）
日本
美國
歐洲
由「https://zh-yue.wikipedia.org/w/index.php?title=武漢肺炎&oldid=2210178」收