2020年美國總統選舉異樣

2020年美國總統選舉異樣包括，而唔止於以下各項疑雲：

篡改數據

麻省理工大學哲學博士，數學家Shiva Ayyadurai話，按渠支科學家隊伍嘅分析，喺關鍵搖擺州密芝根州有大概6.9萬投咗畀張當奴侵嘅選票俾軟件篡改成係投畀祖拜登嘅，令到喺嗰個州度實際上得到多數選票嘅侵變成輸家。

非法投票

2020年12月21號，時任白宮貿易顧問彼得納瓦羅指控，單喺密芝根州，就有大概379,000張可能非法選票——紀錄上「投票者」係死人嘅有大概195,000，投落去時無辨別「投票者」身分嘅就有174,384。個數目係拜登同侵差距嘅兩倍以上。

重複計票

「Dominion計票系統」嘅IT約聘員工卡羅內喺2020年11月12日，畀咗14條宣誓證詞過密芝根州大湖區司法中心，描述喺嗰個州底特律巿間計票中心睇到人哋重複計票，將好多疊50張嘅選票過機達10次，令到統計出來，歸拜登嘅多過渠實際得到嘅。

拜登曲綫

實時公布嘅點票結果顯示，當地時間2020年11月3號夜晚票站休息暫停計票時，侵喺威斯康辛州同埋密歇根州所得到嘅票數遙遙超前對手拜登。不過，去到第二朝重新開工，六點前後些少，數出來屬於後者嘅票，喺一瞬間分別多咗149,520同埋138,339張，係唔可能嘅點票速度。

特工恐嚇

2020年11月，賓夕凡尼亞州政府郵差李察鶴健士（Richard Hopkins）爆料話上司下令員工喺過咗有效期嘅郵寄選票道，扱個舊日嘅郵戳，務求令統計結果有利於拜登噉樣出錯。好快，鶴健士自認上述指控係流嘅。不過隨即再表示恢復原本立場，而且經真相工程放咗段錄音出來，內容似乎證明聯邦特工揾渠傾偈，靠恐嚇迫渠公開話之前喺度生安白造，重為此已經簽埋認罪書。事件期間，鶴健士重俾部門炒埋魷魚添。