維基百科

2021年維基媒體基金會針對中文維基百科嘅行動

  關於粵文維基百科嘅社群版面，請睇Wikipedia:2021年基金會針對中文維基百科嘅行動。

2021年維基媒體基金會針對中文維基百科嘅行動，係指2021年9月，維基媒體基金會法務部門副總裁瑪姬·丹尼斯（Maggie Dennis）發表聲明，話經過深入調查「中國大陸維基人用戶組」之後，以安全風險為理由，宣布對中文維基百科嘅7個用戶實施全域鎖上，又取消12個用戶嘅管理員權限[1][2]。

喺呢次事件入面被調查嘅中國大陸維基人用戶組

背景 編輯

2020年《港區國安法》實施之後，維基媒體基金會發出聲明，表示暫時唔受理嚟自香港執法機關嘅非公開信息請求，同埋希望保護編者並為讀者製造一個安全嘅環境。[3]

中國大陸用戶提議對香港用戶「篤灰」 編輯

據2021年7月一篇報導，一個名叫Walter Grassroot嘅維基編輯，喺中國維基QQ群入面提議向國家安全處舉報香港用戶。[4]事件引發極大爭議，甚至令隸屬維基媒體基金會嘅香港用戶組成員召開咗緊急會議商議對策，並提供指引避免人肉搜尋。香港編輯Dasze同1233表示，對中國編輯呢種「篤灰」行為非常擔心，指責中國編輯違反維基百科合作同互信嘅原則，以致能夠構建、貢獻、同協作嘅價值。

維基媒體基金會嘅行動 編輯

因為中國大陸用戶嘅問題已經對其他用戶構成安全威脅，甚至係身體傷害，2021年9月14號，負責管理維基百科嘅維基媒體基金會宣布，經過深入調查未被官方認可嘅「中國大陸維基人用戶組」嘅活動後，決定無限期封鎖 7 名來自中國大陸嘅用户，同埋將 12 名中國大陸管理員搣柴[5]。

相關評論 編輯

瑪姬·丹尼斯就呢次重大行動喺維基媒體發布公告，承認基金會嘅行為好激進（radical），但係強調呢次行動係基於諸多考量同深入調查之後，先作出呢個決議。[6]

中國大陸維基人用戶組發表題為《丟掉幻想，準備鬥爭》嘅聲明回應，指控維基媒體基金會以「莫須有」嘅理由封禁用戶，又表示要用實際行動反抗打壓[1][2]。

有幾個中文版維基百科用户向博訊新聞網報料，話中國大陸維基人用戶組嘅成員除咗如維基媒體基金會所述噉犯規，重有計劃及實行咗其他侵害行為，並提供咗段錄音作佐證；記者有嘗試叫中國大陸維基人用戶組回應呢項指控，不過唔成功。[7]

有一個知情人士話畀《大紀元時報》知，親中共勢力令到維基管理會憂慮系統會繼續病態發展，於是使出噉嘅打擊招數，而且佢打算為此改變方針及加強監管。[8]

富有該網站嘅編輯經驗，亦同親中共維基人有唔少過節之時事評論員黃世澤，就推斷呢單嘢乃兩股（親）中共勢力嘅鬥爭結果——只係削弱咗其中一方，並冇動搖問題之根本。[9]

新聞報道 編輯

  • "Exclusive: Wikipedia bans 7 mainland Chinese power users over 'infiltration and exploitation' in unprecedented clampdown". Hong Kong Free Press. 2021-09-14.（英文）
  • 〈維基百科禁 7 內地用戶　指有滲透起底風險　內地群組：準備鬥爭〉. 《立場新聞》. 2021-09-14.（繁體中文）
  • 〈維基封鎖7名中國大陸用戶 指為保障用戶安全〉. 《美國之音》. 2021-09-15.（繁體中文）
  • 〈因涉嫌举报香港编辑，中文维基百科对7位中国大陆编辑下达禁令〉. 《美國之音》. 2021-09-15.（簡體中文）
  • 〈臉書學著點！維基百科破天荒開鍘19中國滲透用戶〉. 《新頭殼newtalk》. 2021-09-15.（繁體中文）
  • 〈維基百科中國編輯當抓耙仔 多人遭撤銷登錄權和編輯權〉. 《自由時報》. 2021-09-15.（繁體中文）
  • "Wikimedia bans seven Chinese users citing "security risk"". The Record by Recorded Future. 2021-09-14.（英文）
  • 〈【維基百科】Wikimedia回應用戶安全擔憂　禁7名中國用戶　中國管理員：反抗基金會決定〉. 《香港經濟日報》. 2021-09-15.（繁體中文）
  • "Wikipedia bans seven Chinese users amid concerns of 'infiltration, physical harm'". The Register. 2021-09-15.（英文）
  • "Wikipedia bans 7 mainland Chinese power users over 'infiltration of Wikimedia systems'". 《亞洲國際新聞》. 2021-09-15.（英文）
  • 〈內部編輯遭恐嚇，維基媒體基金會拔除多名「中國大陸維基人用戶組」成員〉. 《科技新報》. 2021-09-15.（繁體中文）
  • 〈忧渗透与起底风险 维基百科对中国编辑下禁令〉. 《德國之聲》. 2021-09-15.（簡體中文）
  • 〈維基百科基金會保用戶安全 封鎖 7 名中國用戶．取消 12 人管理員權限〉. e-zone. 2021-09-15.（繁體中文）
  • 〈防滲透與起底！中文維基百科下令封鎖18名與中國滲透有關用戶〉. 《中央廣播電臺》. 2021-09-15.（繁體中文）
  • 〈「將香港用戶組都向國安處舉報了吧！」中文維基百科7名中國編輯慘遭除名〉. 《風傳媒》. 2021-09-15.（繁體中文）
  • 〈【維基百科】中國網軍勢力擴展至維基百科　被指壟斷內容詮釋權〉. 《自由亞洲電台》. 2021-09-15.（繁體中文）
  • "Wikipedia blames pro-China infiltration for bans". BBC. 2021-09-16.（英文）

參考 編輯

  1. ↑ 1.0 1.1 陳冠榮. 〈內部編輯遭恐嚇，維基媒體基金會拔除多名「中國大陸維基人用戶組」成員〉. 《TechNews 科技新報》 (臺灣中文). 喺2021-09-15搵到.
  2. ↑ 2.0 2.1 〈維基百科禁 7 內地用戶 指有滲透起底風險 內地群組：準備鬥爭〉. 《立場新聞 Stand News》. 原著喺2021-09-15歸檔. 喺2021-09-15搵到.
  3. ↑ "New Chinese national security law in Hong Kong could limit the privacy of Wikipedia users". Wikimedia Foundation. 2020-07-15.
  4. ↑ 陳彥 (2021-07-12). 〈【資訊戰】中文維基百科成中港戰場　中國編輯稱向國安舉報香港編輯〉. 《自由亞洲電台》.
  5. ↑ 〈維基百科禁 7 內地用戶 指有滲透起底風險 內地群組：準備鬥爭 | 立場報道 | 立場新聞〉. 《立場新聞 Stand News》. 原著喺2021-09-15歸檔. 喺2021-09-16搵到.
  6. ↑ 鄭樂捷 (2021-09-15). 〈維基封鎖7名中國大陸用戶 指為保障用戶安全〉. 美國之音. 喺2021-09-15搵到.
  7. ↑ 〈维基基金会封停部分大陆用户帐号：无关政见与地域，系"原则性问题"〉. 《博讯新闻网》 (中國中文). 2021-09-19. 喺2022-08-11搵到.
  8. ↑ 〈维基百科清理中共网军势力 知情人透露详情 - 大纪元〉. 《大纪元 www.epochtimes.com》 (簡體中文). 2021-09-16. 喺2022-09-01搵到.
  9. ↑ 《維基百科中文清理部分親共管理員有無解決問題 黃世澤幾分鐘評論 20210914》 (英文), 喺2022-10-01搵到
由「https://zh-yue.wikipedia.org/w/index.php?title=2021年維基媒體基金會針對中文維基百科嘅行動&oldid=1894583」收