維基百科

2021年緬甸政變

2021年緬甸政變[1][2]係喺2021年2月1號早上開始，時任國務資政昂山素姬、總統溫敏同執政黨嘅其他領導人畀緬甸國防軍拘捕同拘留。幾個鐘之後，緬甸國防軍宣佈為期一年嘅緊急狀態，話已經將權力移交畀國防軍總司令敏昂來。

2021年緬甸政變
緬甸內部衝突（英文：internal conflict in Myanmar）嘅一部分

政變發生後，軍隊封鎖曼德勒地區嘅政府辦事處
日期： 2021年2月1號到而家
地點： 緬甸
結果： 政變成功
政府
緬甸政府 緬甸國防軍
指揮官同領導者
緬甸 昂山素姬（國家顧問）
緬甸 溫敏（總統） 		敏昂來（國防軍總司令）
緬甸 敏瑞（代理總統）
傷亡同損失
暫時冇報告

民主化背景

編輯

民主改革同引入外資

編輯

緬甸嘅民主化係由2011年先開始，而緬甸嘅軍方就仲一路主導著國家政治嘅發展。由於國家要外來嘅資源去到協助返啲改革，而需要外援（尤其係美國）就必須同昂山素姬和解，軍政府就透過「緬甸出路」而同昂山領導嘅全民盟進行咗合作。

而呢段時期任職美國總統嘅奧巴馬係推動咁「重返亞洲」戰略，就同緬甸政府一拍即合，開始咗合作。而隔離嘅中華人民共和國，亦跟著緬甸開始改革後嘅機會，喺緬甸投入咗唔少資金，買入大批嘅木材、石油等原料，對啲奢侈品好似寶石都有好大嘅需求；長遠嘅目標，仲計劃係起返一條由緬甸進入中國大陸嘅輸油管，仲預想同緬甸合作搞水壩同發電廠。中共政府係同軍政府簽訂過有關嘅協議，不過當地民間就一路有著反對聲音[3]。不過分析人士霍西(Richard Horsey)認為，對緬甸嚟講，中國大陸嘅大舉投資係風險同機遇嘅雙面體，唔希望經濟過度依賴對方。估計到2020年為止，中國大陸方面係緬甸最大嘅外債主（佔有4成），金額有成40億美金[4]。

而喺緬甸改善同歐美國家關係、尋求政經平衡嘅過程度，令到中國大陸方面被緬甸政府批准嘅投資額係一落千丈，統計數字由2010年嘅83億美金係急跌到2013年嘅2000萬美金[5]。

2016年全民盟設法廢除咗畀過軍方有廣泛權力幾十年嘅《緊急狀態法》，仲成功咁繞過憲法，俾昂山素季擔任埋緬甸政府嘅國務資政，成為咗緬甸政府實際嘅最高領導人。軍方同鞏固發展黨議員試過多次表示唔認可呢個職位嘅法律地位，但係直到事變前係冇過進一步嘅行動[6]。

羅興亞人嘅大清洗危機

編輯

2017年路透社發出一篇報導，第一個揭露咗緬甸軍方係點樣喺當地處決10名羅興亞人難民，國際社會開始逐步咁關注到緬甸政府對羅興亞人嘅逼害，紛紛譴責咗有關嘅作為，緬甸改革後嘅民主典範形象，就咁淪為咗一個負面教材。而國際媒體爭相以「民主自由鬥士嘅殞落」去形容返昂山素姬。新聞媒體、國際組織同埋NGO陸續加入指控，但係緬甸絕大部分嘅國民就選擇咗支持返昂山。2019年11月尾，甘比亞代表伊斯蘭合作組織嘅其餘 57 國，向荷蘭海牙嘅國際法院控告咗緬甸係有違反「反種族滅絕公約」，希望法庭能夠頒令臨時嘅措施，阻止緬甸若開邦羅興亞人嘅清洗危機。昂山素姬到國際法庭聽證會應訊嘅時候，係有為關押過佢嘅軍方辯護，否認咗當地有發生種族屠殺，仲指責甘比亞嘅陳述「不完全且令人誤導」，係冇真正全盤了解到若開邦各種嘅歷史糾葛。昂山素姬12月14號返國嘅時候，喺首都係有上千人揮舞著國旗迎接佢返歸[7]。

外資項目嘅長年爭議同僵持

編輯

中國國家電力投資集團試過同緬甸軍政府簽訂興建啲水壩嘅工程合約，一路係未公開過。緬甸國家電力公司前副部長吳莫達推（U Maw Thar Htwe）喺2019年5月接受BBC採訪嗰陣，係確認協議度約定咗，未來投入大壩提供嘅9成電力係會供應俾中華人民共和國。而項目所在地係伊洛瓦底江，當地嘅民眾一路係反對呢啲工程計劃，呢度所在嘅密松地區據信係克欽邦人嘅出生地。而克欽邦嘅反對人士由1962年就開始同緬甸軍方作戰，一路爭取喺呢度嘅主導權。克欽邦獨立派領導人係認為，大壩會對當地人民同生計構成直接嘅威脅。而環保人士就警告，水電站工程係會令到同星洲咁大細嘅地區被浸，可以導致幾千人流離失所[8]。

昂山素姬未有當政前係一路有反對興建大壩[8]，而緬甸各界普遍係對密松項目（即水壩電站）有負面印象、擱置密松項目又被譽為係緬甸民主化轉型成功嘅標志。緬甸最大報章《伊洛瓦底》嘅創始總編話過，包括昂山在內嘅政府高層係明白，如果重啟大壩就意味著政治自殺。話若中國方面仲繼續堅持重啟嘅話，係會面臨著緬甸民眾嘅憤怒同敵意，而威脅到中國方面其他在緬嘅項目[9]。

中國方面有評論指昂山佢係「西方制衡在緬戰略布局的重要棋子」，係有舉棋不定嘅觀望態度。到2015年昂山成為咗緬甸嘅實際領導人後，相信基於平衡政治關係嘅務實考慮，又表示過應該尊重返前軍政府時期達成嘅合作協議。中國方面投資嘅萊比塘銅礦引起當地民眾嘅抗議後，昂山試過親身帶領一個調查小組，進行咗一年幾嘅調查研究，先同意咗銅礦項目繼續落去[5]。據報截至2020年尾，中華人民共和國係緬甸外資第二大嘅投資者，第一位就係星洲。中華人民共和國對緬甸嘅貿易就大概佔咗緬甸貿易總額嘅三分一[10]。

事變前外交活動同換屆大選

編輯

2016年美國嘅當勞侵執掌咗聯邦政府後，美國似乎脫離咗奧巴馬執政時期打嘅外交基礎，美國智庫亞洲協會緬甸問題專家黛布拉·艾森曼（Debra Eisenman）話呢個係導致咗啲威權主義力量重新掌握咗權勢，「民粹主義政府係由於內部嘅問題」留咗真空俾亞洲民主，係話當勞侵政府未有好好咁撐過緬甸嘅民選政府[11]。

舊年尾（11月）進行嘅2020年緬甸議會選舉度，全民盟係獲得大勝佔據咗議會嘅大部分議席，另一方面軍方代表嘅政黨係剩低好少嘅議席[1]。跟著緬甸軍方就出聲話有選舉舞弊同欺詐嘅成份[1]。

而喺2021年1月頭，中國國務委員兼外長王毅係到訪咗緬甸，喺首都內比都會見過緬甸國防軍總司令敏昂萊。王毅話，中國方面係讚賞緬甸軍方以「民族振興為己任，從長遠角度思考國家未來發展，堅持中緬傳統友好，促進兩國『胞波』情誼」。王毅仲話，中國方面會支持緬甸軍方喺國家轉型發展進程度發揮應有作用、同埋會作出積極嘅貢獻[10]。

1月26號軍方嘅發言人蘇敏敦（Zaw Min Tun）要求選委會提供埋選民嘅名單，暗示埋如果唔解決軍方嘅疑問，「冇法話唔會發動（軍事政變）」，引起咗當地民眾、政界同外界對軍方政變嘅擔憂[12]。而緬甸國防軍總司令敏昂來喺第二日一個視像會度發表咗講話，提出咗可能要廢埋憲法，加深咗各界嘅擔憂[13]。2021年1月28號，選委會否認咗軍方嘅指控[14]。同日聯合國秘書長古泰理舒對當地發展表示咗「高度關注」，敦促有關人士係尊重返11月8號嘅大選結果[15]。

政變過程

編輯

前聲

編輯

喺1月29號，澳洲、加拿大仲有歐盟等等12個駐緬甸嘅外交使團發表咗聯合聲明，率先警告緬甸會發生軍事政變，同時敦促軍方「遵守民主規範」，同反對任何改變選舉結果嘅企圖。而到咗1月30號，緬甸軍方同埋聯邦鞏固與發展黨幾千個支持者，喺仰光唔同嘅地方遊行，佢哋舉著「抗議來自美國嘅干涉」等等嘅標語，反對外國干預緬甸嘅內政[16]，仲撐軍方去調查返所謂嘅選舉舞弊。

發生

編輯

喺2021年2月1號嘅晨早，緬甸軍方係派大班人馬到昂山素姬、總統溫敏等多名官員嘅住所度拉走人。而據 BBC獲知，唔同地區嘅首長官員亦係同一時段度被人上門拉咗一份[17]。

事變期間當地嘅通訊網路係被中止咗。據亞洲新聞台 (CNA) 記者喺接近11點嘅消息，仰光市內嘅電話網絡係仲處於癱瘓，而互聯網服務就用得，啲民眾就唔敢離開屋企。同時話有未經證實消息指軍方圍堵咗國營電視台 MRTV。《澳洲人報》嘅報導就話大拘捕行動後唔夠一個鐘嘅時間，MRTV 同埋多間海外傳媒機構包括 BBC 、CNN 同亞洲新聞台都被封鎖咗（訊號）[18]。

緬甸總統府後尾就宣佈國家權力係移交俾國防軍總司令敏昂萊。

喺2021年2月12號深夜，緬甸軍方嘅成員同警察就將政府部長級人員、選舉官員、全國民主聯盟嘅高層、活動家同埋前幹事拉走[19]。

喺2021年2月13號，網上就有個有毒嘅帖文話由軍方運作嘅資訊部向傳媒施壓話唔準用「軍政府」同「政權」嘅字眼喺佢哋所屬嘅媒體到，而呢次係軍方第一次嘗試去限制新聞自由[20]。軍方政權就向7個出名兼有影響力嘅活動家發出拘捕令，包括敏哥奈，話佢哋喺社交媒體到所寫同講嘅會影響國家安全進程[21]。

各界反應

編輯
 
各國對政變嘅回應。
中華人民共和國、俄羅斯同越南係時任聯合國安全理事會嘅成員國，但係表態同聯合國安理會聲明態度唔同，所以標上雙色。
  緬甸
  譴責政變
  深度關切
  中立
  未表態

國內

編輯

據美聯社話，昂山素姬領導嘅全國民主聯盟喺社交媒體，以昂山素姬嘅名義發咗聲明。聲明係要求人民拒絕接受軍方嘅行動，而要全力抗議反對軍方嘅政變。聲明又指摘軍方行動係違反咗憲法，係要將緬甸帶回獨裁統治。據報因為全國民主聯盟嘅所有成員嘅電話，都係冇法打通，就冇法核實返啲信息[18]。

國際

編輯

  澳洲譴責呢次政變，呼籲釋放被拘留嘅官員。[22]

  美國白宮發言人詹·普薩基發聲明話：「緬甸軍方採取嘅行動破壞民主過渡，包括對國務資政昂山素姬同緬甸其他文職人員嘅逮捕，令美國震驚。我哋繼續重申對緬甸民主體制嘅大力支持，同我哋嘅區域夥伴協調，敦促緬甸軍方同其他各方遵守民主規範同法治，同時釋放被拘留的人」同時聲明警告：「美國反對任何企圖改變選舉結果或者阻礙緬甸民主過渡嘅企圖，如果呢啲步驟逆轉唔到，會對嗰啲負有責任者採取行動」[23]。

  日本嘅外相茂木敏充係表示，暫時未有撤僑嘅計劃，而會密切咁留意事態嘅變化[24]。同時又對軍事政變表示咗「嚴重關切」，要求釋放包括國務資政兼外交部長昂山素季在內嘅相關人士，呼籲盡快恢復民主政治。而日本嘅執政黨內部有意見話“政府嘅譴責力度係弱過歐美”（自民黨人士）[25]。

  歐盟嘅歐洲理事會主席夏爾·米歇爾 歐洲理事會主席夏爾·米歇爾 「強烈」譴責緬甸嘅政變，佢喺Twitter上呼籲 「即刻釋放」被捕者，呼籲緬甸軍方尊重選舉結果[26][27]。

  聯合國嘅秘書長古泰理舒强烈譴責緬甸軍方嘅行動，發表聲明話嚴重關切埋對緬甸度係將立法、行政同司法權力俾嗮軍方，話係嚴重打擊咗當地嘅民主改革。聯合國大會嘅輪任主席沃爾坎·博茲科爾（英文：Volkan Bozkır）亦表示咗關切[28]。聯合國安全理事會討論埋要出份譴責軍方嘅正式聲明，但係因為中華人民共和國嘅出席代表未有支持，最尾係冇通過到呢個議程[29]。

  法國呼籲緬甸軍方領導人尊重舊年11月嘅選舉結果，話法方密切關注緊緬甸發生嘅事件，同「尤其係聯合國」嘅夥伴討論相關應對措施[30][31]。

參攷

編輯
  1. ↑ 1.0 1.1 1.2 Beech, Hannah (31 January 2021). "Myanmar's Leader, Daw Aung San Suu Kyi, Is Detained Amid Coup". The New York Times. ISSN 0362-4331. 喺31 January 2021搵到.
  2. ↑ Mahtani, Shibani; Lynn, Kyaw Ye. "Myanmar military seizes power in coup after detaining Aung San Suu Kyi". The Washington Post. 喺1 February 2021搵到.
  3. ↑ 從英國殖民到民主轉型，緬甸如何不斷「變臉」？ 互聯網檔案館嘅歸檔，歸檔日期2021年2月12號，.2017-09-25 故事 StoryStudio
  4. ↑ 中国投资在缅甸 想说爱你不容易 DW中文 2020-01-16
  5. ↑ 5.0 5.1 昂山素季的现实主义与中国企业的投资利益 2015-11-19 记者  栾鹤 中国贸易报　
  6. ↑ 缅甸民主十年，为何还逃不脱军人的坦克？，VOA 2021-02-03
  7. ↑ 走上國際法庭的昂山素姬，與她如履薄冰的政經愁局 2019-12-23 劉忠恩 端傳媒
  8. ↑ 8.0 8.1 中資緬甸密松水電站是否重啟成為昂山素季面對的「中國困境」 2019-07-30 BBC中文
  9. ↑ 缅甸国家投资风险与机遇动态[失咗效嘅鏈]（快照） 2019-04-03 中国国际贸易促进委员会河北省委员会
  10. ↑ 10.0 10.1 缅甸军方政变夺权 美中反应大相径庭 VOA 2021-02-02
  11. ↑ 缅甸政变 是美国踩空 中国得势？ RFA 2021-02-01
  12. ↑ hermesauto (2021-01-26). "Myanmar army raises prospect of coup after voter-fraud claims". The Straits Times (英文). 原先內容歸檔喺2021-01-29. 喺2021-02-01搵到.
  13. ↑ "Analysis | Tension Grows Following Military's Coup Talk". The Irrawaddy (美國英文). 2021-01-28. 原先內容歸檔喺2021-01-30. 喺2021-02-01搵到.
  14. ↑ 引用錯誤 無效嘅<ref>標籤；無文字提供畀叫做rfi嘅參照
  15. ↑ 〈联合国高度关注缅甸大选后局势〉。《联合国新闻》 (簡體中文)。2021-01-28。原先內容歸檔喺2021-01-28。喺2021-02-01搵到。
  16. ↑ World, Republic. "Supporters of Myanmar military rally in Yangon". Republic World (英文). 原先內容歸檔喺2021-02-01. 喺2021-02-01搵到.
  17. ↑ 緬甸國務資政昂山素姬及多名官員被軍方扣押　軍方突宣布實施一年期緊急狀態 互聯網檔案館嘅歸檔，歸檔日期2021年2月12號，. 2021-02-01 立場新聞
  18. ↑ 18.0 18.1 【不斷更新】緬甸軍方政變　昂山素姬籲人民全力抗議　美國：或採取行動 互聯網檔案館嘅歸檔，歸檔日期2021年2月12號，. 2021-02-01 立場新聞
  19. ↑ "Military casts a wide net with a series of late-night raids". Myanmar NOW (英文). 喺2021-02-12搵到.
  20. ↑ "Myanmar Military Bans Use of 'Regime', 'Junta' by Media". The Irrawaddy (美國英文). 2021-02-13. 喺2021-02-13搵到.
  21. ↑ "ကိုမင်းကိုနိုင်၊ ကိုဂျင်မီ၊ အဆိုတော်လင်းလင်း ၊ အင်းစိန်အောင်စိုး၊ ကိုမျိုးရန်နောင်သိမ်း၊ ပန်ဆယ်လို နှင့် မောင်မောင်အေး တို့အား ရာဇသတ်ကြီး ပုဒ်မ ၅၀၅(ခ)ဖြင့် တရားစွဲထားပြီး ဖမ်းဝရမ်းထုတ်ထားကြောင်း တပ်မတော် ကြေညာ". Eleven Media Group Co., Ltd (緬甸文). 喺2021-02-13搵到.
  22. ↑ 观察者网 (2021-02-01)。〈澳大利亚要求缅甸军方"立即"释放被扣押的政治领导人〉 (簡體中文)。观察者网。原先內容歸檔喺2021-02-01。喺2021-02-01搵到。
  23. ↑ "Statement by White House Spokesperson Jen Psaki on Burma". The White House (美國英文). 2021-02-01. 原先內容歸檔喺2021-02-01. 喺2021-02-01搵到.
  24. ↑ 潘万莉，卢芳楷 (2021-02-01)。〈缅甸政变，到底发生什么事？〉 (簡體中文)。联合早报。原先內容歸檔喺2021-02-01。喺2021-02-01搵到。
  25. ↑ 日本政府對緬甸局勢表示嚴重關切 互聯網檔案館嘅歸檔，歸檔日期2021年2月12號，. 共同社 2021-02-02
  26. ↑ 古莉 (2021-02-01)。〈国际社会谴责缅甸军人政变 呼吁立即放人〉 (中文)。RFI。原先內容歸檔喺2021-02-01。喺2021-02-01搵到。
  27. ↑ Charles Michel (2021-02-01). "I strongly condemn the coup in #Myanmar and call on the military to release all who have been unlawfully detained in raids across the country" (英文). twitter. 原先內容歸檔喺2021-02-01. 喺2021-02-01搵到.
  28. ↑ UN News (2021-02-01). "Arrests, military control 'a serious blow' to democratic reforms in Myanmar: UN chief" (英文). UN News. 喺2021-02-01搵到.
  29. ↑ China blocks UN condemnation of Myanmar coup BBC 2021-02-03
  30. ↑ 观察者网 (2021-02-01)。〈俄罗斯就缅甸局势表态：密切关注，作出评估还早〉 (簡體中文)。观察者网。原先內容歸檔喺2021-02-01。喺2021-02-01搵到。
  31. ↑ 古莉 (2021-02-01)。〈国际社会谴责缅甸军人政变 呼吁立即放人〉 (中文)。RFI。原先內容歸檔喺2021-02-01。喺2021-02-01搵到。
由「https://zh-yue.wikipedia.org/w/index.php?title=2021年緬甸政變&oldid=1855823」收