2022年2月1號越南男子足球代表隊對中華人民共和國男子足球代表隊賽事

2022年2月1號越南男子足球代表隊對中華人民共和國男子足球代表隊賽事喺2022年2月1號夜晚喺越南河內嘅美亭國家體育場舉行，係場2022年FIFA世界盃嘅亞洲區十二強資格賽，由越南國家男子足球代表隊對中國國家男子足球代表隊。

賽前國際足球協會嘅世界排名入面，中國國家男子足球代表隊排第74位，而越南國家男子足球代表隊排第100位。賽前，中國國家男子足球代表隊從1997年5月25號首次對陣越南男足開始，唔理係主場定作客，從嚟未輸過畀越南國家男子足球代表隊。

最後，越南國家男子足球代表隊喺呢場比賽以3-1擊敗咗中國國家男子足球代表隊；令後者提早兩輪無緣世界盃賽場。對越南國家男足嚟講，係喺國際A級賽事廿四年半以嚟，第一次擊敗中國國家男足。對中國國家男足嚟講，亦係繼1985年5月19號中華人民共和國足球代表隊對香港足球代表隊賽事同2013年6月15號中華人民共和國足球代表隊對泰王國足球代表隊賽事之後嘅第三場恥辱性輸波。

賽後，喺越南當地，舉國慶祝第一次擊敗咗中國國家男足嚟慶祝農曆大年初一；喺中國大陸，傳媒多數以「恥辱」嚟形容呢場比賽入面中國國家男子足球代表隊嘅表現，甚至有波迷喺賽後試過揼爛電視同鬧球員淨識大花灑。