喺第25太陽週期期間，一系列強烈嘅太陽風暴喺2024年5月10號至5月13號期間發生，包括強烈到極端程度嘅太陽耀斑同地磁暴。個地磁暴係自2003年萬聖節太陽風暴以嚟影響到地球最強嘅，並喺南北半球比正常低嘅緯度產生極光。喺北半球，極光喺日本北海道同石川縣、中國烏魯木齊以至西班牙全國度可以見到。
