歐羅五百蚊紙係現時流通嘅歐羅銀紙之一，面值500歐羅，係全世界面值第三大銀紙，僅次於星加坡一萬蚊紙（約莫值6,540歐羅）同瑞士法郎一千蚊紙（約莫值880歐羅），由歐洲中央銀行發行。
2016年5月4號，歐洲中央銀行宣佈會喺2018年底永久停止印製同發行歐羅五百蚊紙，以防止不法用途[1]。最終由2019年4月27號開始，歐元區嘅中央銀行都唔再發行五百蚊紙；而最後一批五百蚊紙就已經喺2014年印製。現有嘅銀紙繼續係法定貨幣，可以用喺畀錢同儲存價值嘅貨幣功能。
.jpg)
