空中巴士 A380

空中巴士A380 係歐洲空中巴士公司嘅大型客機，亦係全球載客量最高嘅客機，有「空中巨無霸」之稱。A380 有兩層四引擎客機，採最高密度座位安排時可載 850 個乘客，喺典型分頭等、商務、經濟艙嘅安排之下，可以載到 555 個客咁多。

呢架機嘅原型機係喺2004年中第一次亮相，直至2005年1月18號，空中巴士於土魯斯廠房為首架A380舉行出廠典禮。2005年4月27號A380第一次成功試飛，同年嘅11月11號，第一次跨洲試飛去到亞洲嘅新加坡。A380 喺2007年正式運畀買家。

A380投入服務之後，破咗波音747 35年嘅紀錄，成為世上載客量最大嘅民用飛機，不過，烏克蘭嘅安東諾夫設計局造嘅安-225「夢想」運輸機依然係載得最重嘅民用飛機^[1]。

截至2019年1月空中巴士總共接咗313架A380嘅訂單，其中234架已經付運，亞聯酋航空係A380最大買家。

2019年2月，空中巴士宣佈會喺完成亞聯酋航空嘅14架同埋全日空嘅3架客機之後，喺2021年停產A380。

註