AI孫燕姿

AI孫燕姿係指喺2023年，有人透過新加坡歌手孫燕姿多年嚟嘅歌曲，用人工智能生成一啲疑似係孫燕姿主唱或翻唱其他人嘅歌，其中「翻唱」歌曲包括王傑原唱嘅《一場遊戲一場夢》、周杰倫原唱嘅《髮如雪》、伍佰嘅《挪威的森林》、王菲《紅豆》等，事件引起華語樂壇同埋一啲電腦科學家嘅關注，亦有啲人就呢啲人工智能生成產品，版權屬誰提出討論。

不過，喺AI孫燕姿出現之前，已經有「AI周杰倫」、「AI王菲」同「AI鄧紫棋」嘅作品喺Bilibili站流傳。

外界回應

華語樂壇

• 孫燕姿回應嘅時候，感嘆科技進步，自嘲自己嘅歌迷已經跳槽，自己係冷門歌手。不過，孫燕姿都講過，同一個每幾分鐘就出一張新專輯嘅AI無需爭論嘢。我哋只需要保持思想純淨，做自己就足夠啦。
• 陳珊妮話，AI嘅配唱過程，仲要有專業音樂製作人參與，佢哋會用自己嘅美學同經驗去引導AI表達情感。喺音樂製作方面，人類嘅工作係唔可以被取代嘅。

法律意見

• 音樂版權律師趙智功接受《新京報》貝殼財經嘅採訪時講，AI孫燕姿嘅作品有版權問題，具體要視乎唔同使用場景嚟追究；即使係「自娛自樂」唔涉及商業化嘅情況，可能唔牽涉到著作財產權，但仍然牽涉到著作人身權，例如署名、表明表演者身份、唔使歪曲表演形象等。而呢啲AI翻唱嘅歌曲係侵犯咗孫燕姿本身嘅市場資源。