沉香

沉香，藥一種，香一種。本身樹脂來，出自沉香屬嘅樹，樹受真菌感染，會滲出樹脂防衞，香氣散逸。木質同樹脂結合，是為沉香，沉香色變深，密度大，有時重過水，就會沉落水，所以水沉香，或者沉香。由於係木，亦叫沉香木。

未受感染時嘅木

受過感染，有樹脂嘅木

佛寺經箱，箱面飾以沉香

沉香屬有唔少品種，華南有牙香樹，出土沉香，印度同南洋有沉香樹，出沉香。辨認香氣或知品種來源。

由於沉香需求大，頂級會去到天價，所以舊時斬咗好多樹，今下唔少品種頻危，野生買少見少，要受保護。如今唔少地方，都會自行種樹，出產沉香。

沉香香氣獨特，陳雜而宜人，難以代替。古印度經典吠陀，已有提及，自始宗教有不解之緣。有唔少宗教品用沉香制，如佛珠等。