Black magic (遊戲)
Black magic係指一啲一大班人玩、有隱藏規則嘅遊戲，通常嚟講個遊戲會有一個人做主持人，另外有少部分已經知道規則嘅人一齊玩，剩返大部分人係唔知道隱藏規則嘅，估出個隱藏規則就係佢哋嘅勝利條件。估到隱藏規則嘅玩家一般會被要求唔好爆個規則出嚟，等其他玩家可以繼續估。
喺大學嘅OCamp入面，Black magic好多時會攞嚟做破冰嘅遊戲，或者轉場transit嗰陣用嚟𠓼時間。
例子 編輯
- 上山、落山：主持人會伸一隻手出嚟、指尖向上，呢隻手就係座「山」，另一隻手會沿住手指嘅指尖同指罅上落，最後問玩家呢一次嘅結果係「上山」定「落山」。
- 捉蝴蝶/拍蚊：主持人做出扮捉蝴蝶/拍蚊嘅動作，問玩家捉咗幾多隻蝴蝶/拍咗幾多隻蚊。