CFM國際CFM56渦扇引擎

CFM56係由CFM國際制造嘅高涵道比渦扇引擎，佢家族成員嘅推力介乎喺18,000到34,000磅（80到150千牛）之間，四種主要型號共整咗超過20,000部，使用嚮波音737、空中巴士A320、空中巴士A340-200/300、KC-135、DC-8等飛機上邊，係目前世界上用得最普遍嘅渦輪風扇引擎之一。

CFM56嘅制造商CFM國際由美國通用電氣航空同法國賽峰公司各自出資50%組成。兩家喺CFM56生產嗰陣分別做零件生產，其中通用電氣航空生產高壓壓氣機、燃燒室同埋高壓渦輪，斯奈克瑪公司生產低壓壓氣機、風扇、低壓渦輪、齒輪箱同尾噴管。兩家都可以組裝，其中通用電氣航空組裝線喺美國漢彌爾頓，斯奈克瑪公司組裝線喺默倫。最終組裝完成嘅引擎通過CFM國際嚟到推廣同銷售。