Cybathlon
輔助科技競技賽（Cybathlon）係一個國際比賽，殘障人士（「機師」）相互競爭。佢哋用最先進輔助系統，去完成平時生活任務，好似用義肢換燈膽，上樓級咁。除咗比賽之外，Cybathlon 提供一個平台，推動平時輔助系統嘅研究，同埋引起公眾話題同討論。
2016年10月8號，第一屆科輔助科技賽，喺瑞士蘇黎世北部克洛滕，瑞士體育館裏頭搞。瑞士蘇黎世聯邦理工學院（ETH zürich）係舉辦機構，亦係同類國際此類國際比賽嘅第一場[1][2][3]。廿五個國家／地區派出六十六個「機師」同埋大約四千六佰個觀眾一齊參加。
下屆 Cybathlon 原本喺2020年5月2號至3號會喺 Kloten [4] 嘅瑞士體育館舉行，因為武漢肺炎大爆發，延期到9月19號20號，呢次比賽兩日，第一日會係資格賽，第二日決賽。比賽有觀眾參與環節，令佢哋體會到殘疾人士面對嘅問題。
背景 編輯
Cybathlon 係蘇黎世科技大學，瑞士國家能力中心與機器人技術學院（NCCR Robotics）教授羅弼里拿（Robert Riener）2013年嘅諗法 [5]，希望用傷殘人運動會，畀學界、行頭、公眾、傷殘人士之間有機會傾偈，旨在令機器人技術普及用喺假肢之上[6]。
雖然國際嘅運動有為傷殘人士而設嘅比賽，好似傷殘奧林匹克運動會咁，參賽者嘅義肢或輪椅唔可以係電動嘅。Cybathlon 就鼓勵用高性能嘅機動輔助技術。
每隊可以參加任何六個組別嘅比賽。一隊由一個「機師」（合符相應組別標準嘅傷殘人士）同埋技術提供者（大學或公司）組成。目前，大學比例約為七成，公司三成。公司可以係商業義肢製造商。
比賽項目 編輯
第一屆（2016年）嘅比賽項目、分六大組別。
- 人腦電腦介面比賽（Brain Computer Interface (BCI) Race）- 四肢癱瘓嘅機師用人腦電腦介面控制電子遊戲之中嘅角色去比賽。
- 功能性電刺激單車比賽（Functional Electrical Stimulation (FES) Bike Race）- 下身癱瘓嘅機師俾電刺激去踩四或三碌單車
- 機動義手比賽（Powered Arm Prosthesis Race）- 機師用一隻或兩隻機動假手（需要有手腕郁動）幫完成指定動作，包括開門摟燈膽，插 USB 手指，晾衫夾···
- 機動義腳比賽（Powered Leg Prosthesis Race）- 機師用一隻或兩隻機動假腳（需要有腳眼郁動）幫完成指定動作。
- 機動外骨架比賽（Powered Exoskeleton Race）- 胸或腰脊髓受損可用外骨架比賽。 令佢哋行得郁同埋做日常任務。
- 機動輪椅比賽（Powered Wheelchair Race）- 機動輪椅用新技術通過障礙。
影片 編輯
粵文地區相關 編輯
名 編輯
Cybathlon 由 cyborg（再造人，再生人）同 athlon（比賽）合成，未有正式嘅粵文譯名。香港傷殘青年協會譯做「人機體育大賽」[7]。其他地方有人叫做 "Cyborg Olympic"[8]（改造人嘅奧林匹克），亦叫「技術で挑む障害者の国際競技会」[9]，即係挑戰技術嘅傷殘人國際競賽。Cybathlon 推廣傷殘人輔助科技所以可以叫「輔助科技賽」或「傷殘人輔助科技競技賽」。
參賽隊 編輯
香港科技大學 2016年派咗一隊參加機動輪椅比賽，贏咗銀牌[10]。香港科技大學2020年會參加機動外骨架比賽[11]。
參考資料 編輯
- ↑ "Bionic Olympics to be hosted in 2016". BBC. 27 March 2014. 喺28 March 2014搵到.
- ↑ "Cybathlon". Cybathlon.ethz.ch. 喺20 October 2014搵到.
- ↑ "Switzerland to host the first Cybathlon, an Olympics for bionic athletes". The Verge. 26 March 2014. 喺28 March 2014搵到.
- ↑ "Get ready for CYBATHLON 2020". cybathlon.ethz.ch (英文). 喺2019-08-02搵到.
- ↑ 〈Cybathlon 官方網站 Overview〉. Cybathlon.ethz.ch. 喺2020-04-15搵到.
- ↑ 〈Cybathlon 官方網站 Concept and Goals〉. Cybathlon.ethz.ch. 原著喺2020-04-17歸檔. 喺2020-04-15搵到.
- ↑ 〈活動推介：Cybathlon 2016"人機體育大賽"（P1610001）〉. 香港傷殘青年協會. 喺2020-04-18搵到.
- ↑ "Switzerland is holding the world's first Cyborg Olympics". ExtremeTech.com. September 29, 2016. 喺2020-04-18搵到.
- ↑ 〈進化競う「サイバスロン」 技術で挑む障害者の国際競技会〉. 朝日新聞デジタル. 2016年4月5號. 原著喺2020年10月26號歸檔. 喺2020-04-18搵到.
- ↑ "HKUST Wins Silver in Cybathlon - the World's First Olympics for Bionic Athletes". 香港科技大學. 喺2020-04-18搵到.
- ↑ "Cybathlon 2020". cybathlon.ust.hk. 喺2020-04-18搵到.
連出去 編輯
- Cybathlon嘅官方網站 及 你管臺
- "Cybathlon 2016: first 'Olympics' for bionic athletes". Wired UK. 27 March 2014.