Deltarune
《Deltarune》，係美國獨立遊戲製作人托比·霍士（Toby Fox）做嘅電子角色扮演遊戲。玩家要控制一個同怪獸一齊生活係地表嘅人類──Kris，並同同班嘅怪獸同學Susie同埋係旅途嗰陣遇到嘅王子Ralsei，扮演拯救世界恢復光暗平衡嘅英雄，一同係被人叫做「黑暗世界」嘅地方冒險。玩家將會將封印係喺東邊嘅「黑暗湧泉」再返到原本嘅世界做目的，過程之中會遇到被人叫做「暗之民」嘅敵人阻撓玩家封印黑暗湧泉，佢哋會用各種彈幕攻擊玩家，玩家可以用和平主義嘅方式或者暴力嘅手段突破障礙嚟達成結局。（第一章嘅內容）
遊戲操作
編輯呢個遊戲嘅戰鬥基本上承繼《Undertale》嘅系統，大多都採用回合制，但係玩家多數場合都要同其他非玩家角色組隊作戰，喺同一個回合決定佢哋緊接嘅所有行動。除咗玩家本身有機會選擇戰鬥、防禦、互動或者寬恕，亦都可以操作其他自己隊嘅角色發動特殊攻擊或者施展法術等等嘅技能，咁樣會受制於消耗新嘅TP值百分比。同之前一樣，如果選擇攻擊嘅話，玩家隊伍要捉緊時機攻擊先至可以令到傷害增加。而選擇互動順利嘅話，敵人就會失去戰意或者覺得眼瞓；跟手玩家就可以寬恕佢哋或者施展和平魔法嚟完咗個戰鬥。如果未係己方回合嗰陣將所有敵人移出戰鬥，就要開始閃避敵人嘅彈幕攻擊。喺入對戰畫面嗰陣，玩家嘅形象就會邊做一粒紅心並用有限嘅HP同敵人對抗，敵人嘅攻擊鎖定嘅己方角色就會係隨機一位或全員，俾對手打中咗嘅話，被鎖定嘅自己隊員會依照係唔係有進行防禦嚟承受不同嘅傷害，單一自己隊嘅角色HP跌到0以下，佢就會喺自己隊嘅回合無辦法做任何嘅行動，但係會喺之後每個回合恢復HP，直到HP值上返0以上；自己隊全員嘅HP值都係0以下嘅話，戰鬥就會輸。TP值就會喺玩家防守，或者敵人嘅彈幕攻擊離玩家操縱嘅紅心好近（類似東方系列嘅擦彈系統），兼且觸發白框特效嗰陣時增加。
呢個遊戲嘅地圖亦都繼續會有智力遊戲關卡同埋突發攻擊嘅事件。