Domo君

Domo君（日文：どーもくん），係日本放送協會（NHK）嘅一個官方吉祥物。佢嘅形象係個有着黑色鈕扣狀雙眼及張口尖牙嘅毛茸茸棕色怪物。佢喺1998年首次喺日本以靜態動畫嘅方式登場。

日文寫法
日文原文	どーもくん
黑本式羅馬字	Dōmo-kun

日本東京澀谷站嘅巴士廣告上Domo君。

概要

Domo君嘅名稱來自日語平常嘅招呼語「どうも、こんにちは」，而佢亦只會講一句「どーも」。佢個嘴唔可以閂，最討厭食蘋果。佢曾經喺Game Boy Advance遊戲登場，人偶動畫系列由NHK前主播山川靜夫配音，喺NHK靜態動畫則由配音員玄田哲章配音。

喺歐美國家亦有相當嘅受歡迎程度，事因於2002年喺Fark.com流傳一個以惡搞為目的嘅偽造公益廣告畫面，名為Every time you masturbate... God kills a kitten，意譯為「當你自慰一次，神就殺咗一隻小貓」，圖中有兩個Domo君追逐一隻小貓，並喺文末呼籲大家要為小貓著想，自此喺西方國家廣受認識。