FN Five-seveN手槍

FN Five-seveN係比利時夏斯塔國營工廠（Fabrique Nationale d'Herstal，簡稱FN）設計製造嘅半自動手槍。

歷史

Five-seveN係為配合FN P90而研發嘅手鎗。佢個名來自佢發射嘅5.7毫米彈頭直徑子彈，同時第一個及最後一個字母以大寫強調係夏斯塔國營工廠出品。

因為P90所用嘅子彈係全新研制，現有其他型號手鎗都用唔到；為咗手鎗可以同P90用同一款子彈；所以先研發FN Five-seveN手槍。令成個武器系統完整。為咗全新嘅子彈能夠放入手鎗內，1993年夏斯塔國營工廠改短咗SS90子彈彈頭 2.7 毫米，並由塑膠彈頭改用重啲嘅鋁鋼製彈頭。新子彈叫做SS190；新子彈可以俾P90同FN Five-seveN發射，但只係賣畀軍隊同執法部門。

直到2004年，夏斯塔國營工廠推出Five-seveN IOM版嘅民用市場，IOM版加裝咗M1913導軌，彈匣保險裝置，可任意調整嘅準星等。夏斯塔國營工廠同年亦推出USG版本取代IOM版本，USG版本有其他進一步嘅小改良，被美國ATF認證為運動鎗械。