Fuck you係一個英文粗口字，相當於粵語嘅「屌」字咁解。對英文嚟講，係頭號禁字。
十六世紀，英國就有人用呢隻字，「插入」咁解。到咗十七世紀，都未當係粗口[1]。之不過，亦有人話，十六世紀經已係粗口，有段時間內，出版嘅刊物用呢隻字，等同犯罪。不過無論幾時變粗口，呢個字都係好敏感嘅，用呢個字鬧人，實激到人臖過火屎，係好冇禮貌同好有攻擊、挑釁同侵犯性嘅字。
不過時移勢易，唔少人而家，都當係發洩字。喺唔少嘅戲度，間唔中可以聽倒。
根據牛津英文字典寫住，「fuck」字點嚟無一個結論，不過喺古英文就已經有呢個字。
