Help:模簡介

呢版係旨在簡單噉介紹維基百科道嘅模。詳情可以睇下m:Help:Advanced templates

維基百科入面嘅英文templates)係可以嵌入其他版嘅版面。模通常包含好多其他版面會用得著嘅重複內容。

模可以喺Template名空間(namespace)道搵到。換而言之,任何版名係用「Template:」開頭嘅版可以當模用,例如係「Template:foo」。想喺任何粵文維基百科版面道用Template:foo嘅內容嘅話,可以修改版面並加入{{foo}}。保存修改之後就可以見到Template:foo入面嘅內容出現。當Template:foo嘅內容俾人修改嘅時候,所有包含{{foo}}嘅版面都會跟住自動更新。

當一個模出現喺一版道,個模係被「嵌入」(transcluded)嗰版道。

常見問題

我喺xx文維基百科道見到呢個模,我想喺道用。
你可以試下直接用個模先。如果個模係未開嘅話,可能個模係用第個名。你可以去返xx文維基百科道,去左邊「第啲話」一欄,撳落「粵語」道,然後用呢道嘅模個名。如果呢道未有你想用嘅模嘅話,可以去幫助櫃檯道請求協助。
我明明改咗個模,點解其他版無即刻更新到嘅?
首先,你可以試下繞過瀏覽器緩衝。如果都重係無更新到嘅話,你可能要洗咗嗰版嘅緩衝版本。最簡單嘅方法係撳「改源碼」但唔作出任何修改,而直接撳「發布修改」。噉咗通常會洗到嗰版嘅緩衝版本,而唔會喺歷史記錄到留低。