Help:連結
想搵一般喺維基常用嘅捷徑，請睇「Wikipedia:貓紙」。 |
呢版嘅目的，係解釋點樣喺維基度開連結。連結最主要有三種：
內部連結
編輯一條內部連結（英文：Wikilink）係喺某一個維基項目入面，版面同版面之間自己嘅連結。呢種就係喺一般維基嘅文入面，最常見嗰種。
點開
編輯喺維基，內部連結係用方括號，好似：
[[1234]]就會去咗叫“1234”嗰版度，而喺畫面亦都會show同一批字。
如果想顯示唔同嘅字眼嘅話，就可以用一棟（ | ）嚟分隔要去嗰版嘅名同埋想見人嘅名，例如：
[[a|b]]就會連去叫 "a" 嘅版面，不過就會喺篇文入面顯示 "b"。
唔同情況
編輯未開嘅版
編輯一般正常嘅連都會係藍色。不過如果連去嘅版面仍然未開嘅話，就會係紅色，例如：紅色嘅連。
如果你撳咗入去條紅色嘅連度嘅話，就會帶你去一版吉嘅頁；你可以選擇用呢個方法嚟寫新嘅文。仲有，你可以去左邊撳「有乜連過來」嘅掣，嚟睇哂所有連去呢塊吉版度嘅文。
自連
編輯如果你喺一篇文度，開咗一條去返去自己同一篇文度嘅連，啲字就會變咗粗體；呢個情況叫做自連（英文：Self-link）。呢篇文嘅實體例子：Help:連結
搞清楚版
編輯有啲時候，當有幾樣嘢都有同一個名嘅時候，就會出現搞清楚版，例如安妮。呢個時候，開咗條連之後就應該要連得仔細啲，直接連去你講緊嗰位安妮，否則睇嘅人就會一頭霧水。
特別效果版
編輯有啲種類嘅版，本身連咗之後會出唔同嘅效果，令寫文嘅程序更加流暢。例如，連去一副相嘅連，就會自動彈副相出嚟；又或者連去分類版，就直接將嗰篇文加入嗰個分類度，等等。如果想繞過嗰啲效果，直接連入嗰版度嘅話，只需要喺前面加個冒號，例如：
[[:File:Mediawiki.png]][[:Category:Help]][[:fr:Help:Link]]
跨維連結
編輯一條跨維連結（英文：Interwiki link）就係一條橫跨唔同維基項目嘅連結。嗰啲可以包括連去另一種語言嘅維基，亦可以係連去其他項目，例如維基同享。
點開
編輯呢種連結嘅開法同內部連結好似，唯一嘅分別就係前面要加 ":xxxx:" 嘅字眼。至於xxxx係乜，就視乎要連去邊。
其他語言
編輯如果想連去其他維基語言嘅某一版度嘅話，就會喺前面加嗰種語言嘅 ISO 639 標準 code（最常用嘅code喺呢度可以抄得到）。
實體例子：[[:en:Northumbia]]
其他項目
編輯如果想連去嘅唔係其他語言嘅維基，而係維基百科以外嘅項目，就要逐個知。最常用嘅係：
唔同情況
編輯喺跨維連結會出現嘅情況，同喺內部連結嘅一般都相似。唯一唔同嘅就係，因為MediaWiki 偵察唔到某一版究竟存唔存喺，所以跨維連結唔會好似內部連結咁出現紅色。對於搞清楚版同埋特別效果版，處理方法係一樣嘅。
外部連結
編輯外部連結就係連去維基以外嘅版面，亦即係我地一般日常生活會用嘅超連結。嗰啲最常會喺某一版嘅「出面網頁」嘅部分度出現。
點開
編輯同其他兩種唔同，外部嘅連結唔係用孖住嘅雙括號，而係用單個。喺打完個網址之後，先隔一個space，跟住再打想出嘅字眼。如果乜都唔打，就會就咁順序咁數 1、2、3。加埋嚟，成個外部連結就即係咁：
[http://www.example.org/ 網站例子]
出咗嚟就會變成
如果唔想有舊箭咀頂住嘅話，可以加<span class="plainlinks"> 喺前面同埋 </span> 喺後面，又或者用 {{Plainlink}} 呢個模，同樣效果。用咗之後，個箭咀就會冇咗，變成咁：
http: 同 https:
編輯2015年中開始，維基百科同其他維基媒體網站轉曬用HTTPS加密所有流量。例如打開 http://zh-yue.wikipedia.org/wiki/Help:連結 嘅話，會自動跳轉去 https://zh-yue.wikipedia.org/wiki/Help:連結。所以，用外部連結形式連去粵維頁面嘅時候，最好加返 https 嚟慳返個跳轉。
以前可以揀用 HTTP 或 HTTPS 開維基百科嘅時候，外部連結可以省略 http(s):（好似 [//www.mediawiki.org/wiki/Help:Links] 噉），實際連出去係 HTTP 定 HTTPS 就取決於開維基百科嗰陣用咗邊個。但自從維基百科強制用 HTTPS 以嚟，呢種形式唔建議繼續用；而係應該要睇情況，加 https: 或 http: （冇 HTTPS 先用）。