Ikariam
Ikariam係一個德國開發嘅免費、以網頁為本嘅 MMOG 戰略遊戲。玩家淨係需要提供一個電郵地址、同自己改一個名，就可以開始遊戲。
玩家可以喺Ikariam入面同數以千計嘅其他玩家溝通，控制自己嘅城鎮同人民走向光榮同埋勝利。喺遊戲入面，玩家會扮演一個國家嘅國王或者皇后，同其他玩家進行一場資源爭奪戰。遊戲係24小時都喺度行緊嘅，就算玩家登出咗，城鎮仍然係會自動採集資源同埋執行玩家登出前落嘅攻擊指令，甚至乎有可能俾其他玩家攻擊。
遊戲內容
編輯喺遊戲入面，每個群島會有八種唔同嘅奇跡建築，每個島上面都有唔同嘅奇跡建築。每個島上面都有一個鋸木廠可以用嚟獲得木材，另外重有一個建築可以獲得唔同嘅奢侈資源（葡萄酒、大理石、水晶同埋硫磺）。
唔同嘅島上面，都有唔同嘅奢侈資源：
- 生產葡萄酒嘅島：只有呢個島先可以生產葡萄酒，而呢個島除咗木材之外冇辦法生產其他奢侈資源。
- 生產大理石嘅島：只有呢個島先可以生產大理石，而呢個島除咗木材之外冇辦法生產其他奢侈資源。
- 生產硫磺嘅島：只有呢個島先可以生產硫磺，而呢個島除咗木材之外冇辦法生產其他奢侈資源。
- 生產水晶嘅島：只有呢個島先可以生產水晶，而呢個島除咗木材之外冇辦法生產其他奢侈資源。
一個島可以容納十六座城市，島上面嘅奢侈資源生產地必須由島上面嘅玩家貢獻木材嚟升級。
而同一時間，每座城市只可以起或者升級一個建築，隨住建築嘅級別提高，所需要嘅資源亦會同時間越嚟越多，所以城市建設嘅步伐好慢。
總積分
編輯喺Ikariam入面，每個帳號都有積分，城市嘅一舉一動，都會影響到積分。
總積分係由下面五種類別嚟決定：
- 總人口數
- 建築消耗資源
- 軍隊
- 研究
總積分=總人口數+(建築所消耗嘅資源/100)+軍事積分+(六倍原始研究點數/100)
市民與民意
編輯喺Ikariam入面，市民係維持一個城市嘅重要關鍵。無論係採集資源、生產軍隊、研究等等，甚至連維持研究、軍隊所需嘅黃金，都係需要喺市民身上攞嘅。所以點樣擁有足夠嘅人力同埋財政嘅穩定，就要一定要依賴住合理嘅人口。
一般嚟講，人口增加需要注意嘅係：房屋、民意，如果達唔到呢兩個條件，係冇辦法增加人口。
房屋增加嘅方法：
- 研究相關研究（好似烏托邦）
- 升級市政府
增加民意嘅方法：
- 建造酒館：增加12民意
- 增加葡萄酒嘅供應量
- 建造博物館：增加20民意
- 增加文物嘅展出數量
- 研究相關嘅研究（好似烏托邦、未來經濟等）
當民意唔係負數嘅話，人口係唔會即刻增減，人口嘅增減速率係透過成長率。成長率嘅計算方法為：民意/50
當人口上升一人口數之後，民意就會下降一民意；相反亦係。