東日本旅客鐵道

東日本旅客鐵道（日文：東日本旅客鉄道；假名：ひがしにほんりょかくてつどう），通稱JR東日本，係日本一間鐵道公司，隸屬JR集團，1987年4月1號國鐵分割民營化嗰陣成立，公司顏色係綠色。總公司喺東京都澀谷區。

撈稿

JR東日本主要營運範圍係東日本嘅東北地方、關東地方以及甲信越地方，2024年3月路線總長度7,401.2公里，總共有1,681個站。除咗鐵路服務之外，仲有好多唔同種類嘅相關業務。而國際業務部亦都喺海外同其他公司或者集團開展咗業務。以運輸人數乘以運輸距離嚟講，JR東日本係世界最大嘅鐵路公司，而運輸收入亦達到咗可以同德國鐵路比肩嘅規模。