KK園區
KK園區係個經營電訊詐騙、綁架勒索、人口販賣及活摘器官等生意嘅地方，以前叫做AA園區，因臭名遠播而改名。此地位於緬甸苗瓦迪邊緣，緊鄰泰國莫伊河，距離美索機場12分鐘車程。[1][2][3]
詳情
編輯KK園區主要從事人口販賣，多年嚟都以東南亞國家為主，主要係平價勞動力。人蛇集團喺誘騙求職者之後，進行轉賣交易，會賣到泰國、緬甸、越南、柬埔寨、老撾，甚至去到杜拜。[4]
國際救援組織（GASO）成員話，受害者喺轉賣之後仲可以二次轉賣，或者賠錢，意思即係毀約，但需要畀贖金，仲唔一定可以出嚟。如果送到去KK園區，基本上就係出唔返嚟，嗰道係人生嘅終點。[1]
詐騙集團用各種名義釣魚進行拐騙，例如觀光、求職廣告、買辦、產業交流等。[5][6][7]
KK園區個名畀人有高薪、高獲利嘅諗法，實際上入面充滿黃賭毒，而且詐騙盛行。[8]
有少部分人雖然係畀人呃入去嘅，但係後嚟詐騙成績唔錯，或者染上毒癮，於是決定留低做賊繼續賺錢。[9]
睇埋
編輯參考
編輯- ↑ 1.0 1.1 田暐瑋 (2022-08-15)。〈〈狠過柬埔寨！一進KK園區「就是人生最終站」 宛如煉獄：政府也壓不住〉〉。東森新聞雲。
- ↑ 謝茜嘉 (2022-08-16)。〈〈緬甸KK園區3大酷刑曝光 5000人僅1人亂槍掃射中逃脫〉〉。聯合新聞網。
- ↑ 施旖婕 (2022-08-15)。〈〈活摘器官「KK園區」中國主嫌就是他！在泰國落網 背景真的不單純〉〉。鏡周刊。
- ↑ 謝茜嘉 (2022-08-15)。〈〈台商到KK園區贖人！杜拜人開價5倍「強摘器官屍丟大海」〉〉。三立新聞網。
- ↑ 彭杏珠 (2022-08-15)。〈〈柬埔寨工資全球倒數第六，台灣年輕人為何相信可月入10至30萬？〉〉。遠見。
- ↑ 許元馨 (2022-08-15)。〈〈以為在台灣就沒事？網曝柬埔寨詐騙8劇本：殺頭生意人人搶〉〉。三立新聞網。
- ↑ 朱加樟 (2022-08-16)。〈〈柬埔寨打工詐騙｜4000台灣人在當地失蹤〉〉。香港01。
- ↑ 〈〈不只柬埔寨！緬甸「KK園區」不遑多讓 情侶遭拐成「血牛」〉〉。上報。2022-08-15。
- ↑ 〈【柬埔寨詐騙】胡慧冲獨家訪問居緬甸港人 柬埔寨KK園區實況如何？ 吸毒吸上癮自願留低？〉。she.com (臺灣中文)。2022-08-23。喺2022-08-23搵到。