M13/40坦克
M13/40坦克，係意大利王國響二戰初期用嘅一種中型坦克（「M」係指「Medio」，即係意大利文嘅中型坦克；「13」係話架車預計重13公噸；「40」就係第一次嘅生產年份—1940年），取代二戰初期意大利陸軍嘅L3、L6/40同M11/39坦克。M13/40坦克亦係意大利軍使用最廣泛嘅坦克[1]。
性能
編輯M13/40坦克用咗維克斯衍生而嚟嘅傳動系統，有兩個轉向架同兩側各8個小型路輪[2]，用彈簧葉片懸吊裝置。履帶就用傳統嘅鋼板做骨架連結。呢個設計令意軍以為響山區作戰可以有良好嘅機動性，但係後來M13/40被部署去沙漠，發現機動性好差。
坦克嘅主要武器係一具47毫米主砲，能夠響500米嘅距離貫穿45毫米嘅裝甲板，對付英軍嘅輕型同巡航坦克，但係無法對付步兵坦克；有104發嘅穿甲彈同高爆彈。M13重裝有3到4座機槍，又有2部潛望鏡分別畀車長同砲手用，同埋無線電作為標準配備[3]。
優缺點
編輯M13/40坦克響戰爭初期時屬於傳統嘅輕型坦克類型，類似其他衍生自維克斯嘅坦克，比如蘇聯嘅T-26坦克。佢13噸重嘅裝甲厚度同擁有嘅火力，足以對付1940-41年嘅英軍坦克。但係，呢架坦克都有一尐缺點：柴油引擎提供咗架車較長嘅航程，但重量比較重，導致速度變慢同過於疲勞[4]。懸吊裝置同履帶雖然可靠，但影響晒速度。
變種
編輯M13/40係意大利軍響戰爭入面產量最多嘅坦克，包括之後嘅變種—M14/41坦克一共生產咗超過3,000架。最後一個版本—M15/42坦克就響1943年生產，裝備咗更加好嘅汽油引擎同更長嘅坦克砲。