MARUI 電動氣槍系統

Marui 電動氣槍系統MARUI 公司嘅整出嚟一系列電動氣槍,到 2008年為止一共有10個,分別係 Ver.1、2、3、4、5、6、7、8、mini、9:

MARUI 電動氣槍

氣槍系統

  • Ver.1 gearbox:只係得FA-MAS系列用緊,算係FA-MAS嘅專用gearbox。
  • Ver.2 gearbox:而家用喺M16系列、M4系列、MP5系列、G3系列。
  • Ver.3 gearbox:被譽為係所有gearbox型號之中最耐用嘅gearbox,而家用喺AK系列、MP5KA4、MP5K PDW、SIG系列、G36C、AUG上,尤其係AK系列嘅口碑最好。
  • Ver.4 gearbox:一個專畀狙擊槍用嘅 gearbox,所以氣缸容量比其他 gearbox 大,同埋有電動 blowback,而家只係得PSG-1用緊。
  • Ver.5 gearbox:只係得UZI用緊,可以話係 UZI 嘅專用 gearbox,但係因為有部分零件係個 gearbox 包唔住,所以突咗出來,玩原裝就冇問題,如果改裝嘅話就會好快壞同埋市面上冇乜零件買得到。
  • Ver.6 gearbox:而家用喺P90同埋 THOMPSON M1A1 度。
  • Ver.7 gearbox:而家只係用喺M14同埋 M14socom 度,可以話係M14系列專用,都係另一個幾好口碑嘅gearbox。
  • Ver.8 gearbox:一種突破咗舊設計之中 gearbox 嘅零件要大先襟用嘅舊有觀點,但同樣都係放棄咗大火力嘅改裝潛力所開發出嚟嘅小型 gearbox,而家用喺MP7、Vz61、Mac10 呢啲小型SMG度。
  • Ver.mini gearbox:Ver.8 gearbox 嘅簡化版,用喺新設計嘅電動手槍度,而家用喺 G18C、M93R、USP 呢啲手槍度。
  • Ver.9 gearbox:2007年開發嘅電動blowback氣槍系統,Marui 叫呢個系統做「次世代系統」,第一支採用 ver.9 嘅係 AK74MN,嚟緊第二支會係AK74U。

睇埋

連出去