NHK綜合台

NHK綜合頻道（日文：NHK総合テレビジョン／エヌエイチケイ そうごうテレビジョン ^{Enu eichi kei Sōgō terebishon */?}；英語譯名：NHK General TV），又譯為NHK綜合電視台、NHK綜合台，係日本放送協會（NHK）嘅無線電視頻道之一，減筆「General」或「GTV」（數碼電視喺畫面右上上顯示為「NHKG」），呼號為JOAK-DTV。喺1953年2月1號開播，係日本第一個開播嘅電視頻道。喺日本報紙嘅電視節目表上，通常以「NHK電視台」（NHKテレビ）指稱NHK綜合台；《產經新聞》（部分地區）、《京都新聞》、《赤旗報》、《聖教新聞》等報紙以「NHK綜合」（NHK総合）指稱NHK綜合台，《北海道新聞》、《神戶新聞》等報紙以「NHK」指稱NHK綜合台。

NHK綜合頻道節目類型嘅構成較為綜合，同時亦播出一啲本地節目。喺震度6級以上嘅地震發生，或者颱風接近大城市群（尤其係首都圈）嗰時，會播出新聞快報。