NHK7點新聞

NHK7點新聞（日文：NHKニュース7，英文：NHK News 7），係日本放送協會（NHK）製作嘅一檔晚間新聞節目，於1993年4月5號開始，每日喺日本標準時間19:00-19:30（JST）於NHK綜合台雙語播送，並帶有即時字幕及英文同譯；通稱《NHKニュース7》，而喺某些日本電視節目表上簡稱《N7》。日本境外地區嘅收視戶亦可經由NHK World Premium收看。

概要

NHK7點新聞為《NHKニュース（午後7時）》嘅後繼節目，重點報導當日嘅國內外要聞、財經消息同體育新聞，最後為全國天氣預報。

2000年3月27號，NHK7點新聞開始採用即時字幕放送技術。最初只係用語音識別，及後採用咗即時文字處理器輸入同重新措辭等技術，唔單止係演播室主播嘅口播，而且喺新聞畫面嘅語音部分同嘉賓對話中亦顯示字幕。

2021年4月19號，NHK World Premium播出版本開始提供喺NHK World-Japan網站供全球各地（日本除外）免費觀看，之後嘅2022年3月1號先提供點播服務，每期有效期只係24個鐘。當新聞節目播出包括奧運會、世界盃等國際性體育賽事嘅新聞時，鑑於版權限制（國際奧委會要求本國轉播商嘅轉播權範圍僅限於境內），World Premium播出版本會使用相關嘅體育賽事靜止圖片進行屏蔽。