Petya

Petya（病毒編碼：Win32.Troj.Petyawrap.cg.**），又嗌NotPetya或GoldenEye，係隻針對舊版Windows嘅勒索軟件病毒，亦係種類似蠕蟲病毒嘅黑客攻擊病毒，識得用系統漏洞去主動散播。呢隻軟件喺2017年6月27號開始發起大規模攻擊，有大多數歐洲國家啲電腦受影響。

電腦中咗Petya病毒時，重啟電腦或每次開機時，會彈出呢個畫面。

個病毒識感染電腦入面嘅主引導記錄而影響硬盤運作。用戶一旦感染咗呢種電腦病毒，最先電腦識出藍屏，再自動重啟，跟住會入引導修復硬盤嘅畫面，修復完之後即刻彈出類似3D龍事件嘅畫面——帶紅底白字同白底紅字之間快速閃爍嘅ASCII代碼拼出嘅骷髏骨，下邊帶「PRESS ANY KEY!」字樣。撳咗個掣之後彈出紅底白字或黑底紅字嗰一大堆鷄腸，要嗌受害者畀錢換比特幣兼輸入啱嘅解密代碼先至入到系統。