香港地下鐡路,又叫地鐵（MTR,Mass Transit Railway），係香港嘅集體運輸系統，由地鐵有限公司（MTR Corporation Limited）營運。1979年通車，發展到而家鐵路網全長91.0公里, 包括超過129.1公里長嘅隧道, 7條綫，53個車站，其中14個係轉車站。
53之站中，10站喺地面，8站係架空，其餘35站喺地底，離地面12至37米。每站嘅設計都唔同，有啲用簡單啲嘅箱形結構，兩三層嘅結構裝埋大堂同埋月台，有啲站複雜啲，月台起喺鑽挖隧道裡面，大堂就喺路面下便。有啲有多層地庫，畀位裝大堂嘅賣飛設施、鋪頭、控制室同埋機房之類。