香港巴豆係19世紀50年代，漢斯（H. F. Hance）響香港島發現嘅。之後，植物學家邊林（George Bentham）1861年響佢本《香港植物》（Flora Hongkongensis）寫低咗呢個新品種。不過之後佢就消失得無影無蹤。
1997年2月21號嗰日，漁護署香港植物標本室嘅人就響青衣山嘅最高峰，南面個山坡附近，一個林地搵到隻香港未見過嘅大戟科灌木。最後華南植物研究所就證實，佢就係消失一個世紀嘅香港巴豆。
家下發現地點呢塊1.05公頃嘅山坡，就劃鬼咗做香港具特殊科學價值地點(SSSI)，可以保護住呢個咁罕有嘅品種。漁護署亦都試緊人工種植。