PostScript (電子文件)
Postscript 檔係用 PostScript 程式語言作為基礎嘅一個電子文件格式，主要用來印嘢，但係其實基本上係一種直譯嘅程式源碼，只不過唔係編程員都會用。印嘢嘅 Postscript 檔通常都係由應用程式自動生成，並且做過極簡化。
處理 Postscript 檔嘅嘢通常係列印機或者點綫影像處理器，亦都有可能係圖像用家介面。
Postscript 檔可以加一啲標註語，令 RIP 或者處理圖像嘅其他程式知道個檔案嘅結構；加爾種標註語嘅標準叫 DSC（document structuring conventions，文件結構慣例），係由 Adobe 制定嘅標準，加啱 DSC 標注語嘅 PostScript 檔叫 ｢乎合｣（conforming，指乎合 DSC 標準），乎合檔嘅版同版之間冇關聯，所可以掉亂啲版印、兩版紙用一張紙印等等[1]:611‐620。
衍生格式
編輯EPS
編輯如果符合檔描述嘅係單單嘅一版，呢種就叫 encapsulated Postscript（嵌入式 PostScript，簡稱 EPS，指可以篏入其他文件當圖像用）[1]:709，標準由 Adobe 制定。EPS 檔可以再加文字或者所謂 ｢二進位｣ 嘅預覽，仍然叫 EPS[1]:710–711；呢種加咗預覽嘅 EPS 檔曾經係平面設計做正式排版嘅時候經常用到嘅檔案格式[1]:709，佢嘅地位雖然已經被 PDF 正式取代，但係好多平面設計師都仍然會提供 EPS 檔。
内文：PDF
最初嘅 PDF 係將 EPS 嘅編程元素剔除，再轉做所謂二進制格式（即係唔再係文字檔），解決咗 RIP 唔能夠輕易將 Postscript 檔做最佳化同平行運算嘅問題。
