Take Me Away

《Take Me Away》係香港女子組合COLLAR嘅第六首單曲同埋第一首英文單曲，由ANDREAH作曲同埋填詞，Qura編曲，Qura、Sophia Young-Rogers、謝國維監製，喺2023年2月17號推出。COLLAR曾經喺電台節目中講過Take Me Away係The Bright Side嘅Demo^[1]。首歌嘅內容係愛爾蘭菲律賓混血創作歌手ANDREAH因為創作當時正經歷黑暗、孤單、覆雜嘅情緒，通過創作表達佢嘅情感想法。而COLLAR經理人戴穎認為首歌嘅內容同旋律都非常適合COLLAR成員嗰陣嘅心情同感受，所以選擇呢首歌做紀念COLLAR成軍一周年同埋重新出發嘅作品^[2]，而且決定首先推出中文版The Bright Side，然後再推出英文原曲版Take Me Away。呢首歌亦係COLLAR作為八人組合嘅唯一一首英文歌。