Talk:功夫

最新留言:8 年前由Billyswong喺主題加重寫模原因度留言

「功夫」原指時間.?---129.49.88.64 2006年11月1日 (三) 22:30 (UTC)

功夫唔一定指武術 編輯

沖茶講功夫、做木工講功夫、彈琴講功夫、渣車講功夫、畫畫講功夫、每一樣技術都有功夫,功夫唔一定指武術 - Hardys 2007年9月7號 (五) 02:41 (UTC)回覆

其實功夫同武術係有分別。功夫係實際打鬪,同後期以表演為主嘅武術唔同。HenryLi 2007年9月7號 (五) 15:08 (UTC)回覆

你個定義喺邊度嚟?- Hardys 2007年9月7號 (五) 15:41 (UTC)回覆
就算字典入面,「功夫」都唔係單單係指武術 - Hardys 2007年9月7號 (五) 15:43 (UTC)回覆
有好多字都係一字多解。車都係用個轆響地度行嘅係車,但係衣車,車床個車就唔係咁解。HenryLi 2007年9月7號 (五) 17:14 (UTC)回覆
你都講咗一字多解, 咁其他嘢已經唔使拗, 功夫係有多過一個意思, 所以唔應該將功夫指定係講武術 - Hardys 2007年9月7號 (五) 17:36 (UTC)回覆
不過廣東話來講,如單講功夫呢個字,就係講郁手郁腳嘅功夫啦,叫人耍功夫,唔會講係第二啲。所以可以另加一頁講廣義嘅功夫。HenryLi 2007年9月7號 (五) 17:52 (UTC)回覆
廣東話嚟講功夫都唔一定講郁手郁腳嘅嘢, 廣東話講功夫係指一樣技術嘅程度, 功夫有高手低手, 唱歌講功夫有幾高, 未夠班叫功力唔夠, 鬥木佬都鬥木都講功夫, 都唔會一吓子理解做打交 - Hardys 2007年9月7號 (五) 18:26 (UTC)回覆
但係單講功夫個字就唔係講唱歌,鬥木啦。人哋問你識唔識功夫,就擺明係講郁手郁打得嘅功夫。HenryLi 2007年9月7號 (五) 18:34 (UTC)回覆
因為咁就可以否定晒功夫喺其他層面上嘅意思?-Hardys 2007年9月7號 (五) 18:51 (UTC)回覆
邊度有否定呢?上面咪提議另加一篇講廣義嘅功夫囉。2007年9月7號 (五) 19:25 (UTC)
或者可以講,「功夫」係廣義叫法,「武術」係狹義叫法,「武術」都包括實際打鬪,而且係專指涉及技擊格鬥嘅運動形式,唔理佢目的係表演定實戰,至少呢個理解係喺武術界一個共識 - Hardys 2007年9月7號 (五) 15:46 (UTC)回覆
請問武術嘅定義係出自邊一道?武術界嘅共識又係出自邊度?HenryLi 2007年9月7號 (五) 17:14 (UTC)回覆
幾乎大部份玩格鬥嘅組織都叫自己做武術會或武術館,呢個算唔算係共識 ? - Hardys 2007年9月7號 (五) 17:38 (UTC)回覆
大部份?呢個好主觀喎。咁有乜嘢出名嘅定義。都有人唔同意功夫等於武術。格鬥呢個字就好似日本用字咁,格鬥其實係對打咁解?HenryLi 2007年9月7號 (五) 17:52 (UTC)回覆
中國武術學會、國際武術聯會、沙田馬鞍山體育館武術場、張國泰武術會、全國武術套路冠軍賽、李暉武術文化中心、香港武術競賽委員會、全球白眉武術總會........隨便用 google 都搵到一大堆, 仲有以技擊格鬥為目的嘅武術散打 - Hardys 2007年9月7號 (五) 18:26 (UTC)回覆
呢類都係着重比賽同表演嘅機構喎。格鬥係日文來㗎?係咪即係對打??HenryLi 2007年9月7號 (五) 18:31 (UTC)回覆
係唔係比賽同表演有乜關係?上面講好多武術都涉及打擂台,又涉及武術訓練,有乜懷疑?"格鬥"係咪日文又關乜嘢事?- Hardys 2007年9月7號 (五) 18:51 (UTC)回覆
一、我就好懷疑武術呢個字係直譯英文martial art。Webster就將佢解做any of several arts of combat and self defense (as karate and judo) that are widely practiced as sport。武術呢個幾時字出現呢?如果係直譯,呢個術就擺明係以觀賞為主呢打鬥,打擂,武術比賽,都係屬於觀賞同比賽性質,同功夫唔係一樣嘢。二、上文一直提格鬥,呢個影響到個定義,所以一定要搞清楚。而且呢度係廣東話維基㖭,如果格鬥嘅意思係廣東話嘅對打,咁係應該用對打嘛。所以一直都想問清楚HenryLi 2007年9月7號 (五) 19:25 (UTC)回覆
如果係咁就好唔得掂喎, 廣東話當中都有好多喺外文嚟嘅嘢, 全部由外文嚟嘅都唔計做廣東話, 咁點攪?我寫好多文又亞拉伯文,波斯文、希臘文乜都有,係咪全部要清晒佢?而家話有個字已經人人都講緊,但因為源自第二啲文就唔當廣東話,好唔得掂喎。

另外我又唔明點解觀賞同比賽性質之外又會變咗另一樣嘢,打交一係自己落場打,一係睇人打,有第三種架咩?- Hardys

加中立模原因 編輯

  1. 篇文有好多主觀見解, 例如話“自古有句說話叫做「天下武功出少林」其實並冇誇張”就真係好誇張,天下武功係咪真係出少林本身有爭議,但呢度已經將呢個觀念肯定咗
  2. 另外又話練武要點要點,都似乎係某種門派觀點 (或者係少林觀點),的確有中立問題
  3. 功夫唔一定指武術,呢度將功夫等同咗武術,而且係專指少林武術,亦係中立問題
  4. 篇文入面講:「希望中國嘅武術可以更加發揚光大」似乎係個人意見, 直情係中立問題

(P.S.因為手頭上資料唔多,暫時執唔到呢篇嘢,見諒) -Hardys 2007年9月7號 (五) 16:03 (UTC)回覆

最近詠春名師梁挻出書考證功夫唔係出自少林。HenryLi 2007年9月7號 (五) 17:07 (UTC)回覆
講真,「天下武功出少林」邏輯上都有問題, 咁未有少林之前係唔通無人識打交? 不過點都好, 呢篇嘢係的確要大執, 太多個人觀點, 不過而家手頭上唔夠資料唔搞住咁解 - Hardys 2007年9月7號 (五) 17:42 (UTC)回覆

加重寫模原因 編輯

英文明明係連去en:martial arts,呢度應該講晒全世界各地嘅功夫,唔應該專講中國功夫,不如將成篇文搬過去中國功夫頁,清空呢邊? Billyswong (傾偈) 2015年11月6號 (五) 12:27 (UTC)回覆

返去版面「功夫」。